الظلم ظلمات1

.....في بيت متوسط الحال وقفت سلوى و في طفلين صغيرين ماسكين في ديل جلابيتها مستخبيين و
خايفين...وتبقى مرات خالهم
و قدامها ست تانيه عينها بيطق منهم الشړ
فايزه مرات عم الاولاد قولت لك وسعي هاتي العيال
سلوى عيال مين إلي تاخديهم مش هتاخدي حد و امشي يالا اطلعي برا
.....فايزة هي حصلت...بتطرديني يابنت أبو جلابيه يالي امك كانت بتخبط علينا تشحت كوباية الرز و شوية سمن
ده القوالب نامت و الإنصاص قامت ياولاد.. أوعي خلصيني و هاتي العيال هو أنتي كنتي من بقية أهلهم أنتي حي الله مرات خالهم و تلاقيكي طمعانه في ماليتهم

حاكم أنا شغل السهوكة ده مايخيلش عليا.
....سلوى باستغراب هقول ايه ماالحرامي بيفكر كل الخلق زيه.
.....فايزه بصي يا ست انتي... إنتي الكلام معاكي مش هيفيد... أنتي مش ليكي راجل و كلمته تمشي عليكي
سلوى أيوة طبعا
......فايزه حلو ...و أهو سي علوان جوزي قاعد معاه برا بيفض وياه الموضوع ده و خلصوا كلام فيه و لو مش مصدقاني اطلعي بنفسك شوفي.
.....خرجت سلوى تجري على اوضة الضيوف و العيال في ديلها مش بيفارقوها.
.....في اوضة الضيوف
وقفت سلوى قدام الباب و هي شيفاهم وسمعاهم بيتكلموا.
رشدي جوزها قولت لأ يعني لأ يا علوان هو أنت إيه مابتفهمش...بقولك ولاد اختي مش هيخرجوا من بيتي.
.....علوان و أنا ولاد أخويا مش هيتربوا برا إحنا مابنرميش لحمنا يا رشدي ..هو أنت هتبقى أولى بالعيال أكتر من عمهم... أنا لو عملت مجلس رجاله دلوقتي اغلطك
......رشدي لو تقدر تعمل كده أعمل يا علوان ... انت لو قادر تعملها ماكنتش جيت لحد بيتي و اتكلمت معايا بالادب... احنا الأتنين حافظين بعض كويس قوي...
و الناس كمان عارفاك و حفظاك واولهم أخوك عشان كده أخوك عمل ورق الوصايا عليهم باسمي عشان كان عارفك و عارف طمعك فيهم.
.....علوان رشدي احفظ مقامك و خلي بالك من كلامك أنا علوان بردو
.....رشدي قصر الكلام يا علوان العيال عندي و صايتهم معايا و أعلى ما في خيلك اركبوا و يالا بقا من غير مطرود.
.....وقف علوان و قال أنت بتطردني من بيتك يا رشدي....حلو ..