رواية للكاتبة هاجر علي
.. لتسير سهر خارج المنزل ثم ركبت السيارة لتنطلق لمقر الشركة ..
ليصلا في موعدهم ثم نزلت سهر ولكن لم تدلف ظلت واقفه تنظر عمها ولكن ..
صلاح .. أدخلي إنت أكيد عارفة مكتبك أنا أركن العربية وهدخل
أماءت رأسها بتفهم ..
سهر .... ماشي
دلفت سهر للداخل وكانت الكثير من الأعين تراقبها .. ما إن وصلت لمكتبها رأت أميرة تجلس علي مكتبها وتتصفح أوراق لتذهب إليها وتقوم بالصباح ..
نظرت أميرة لها وبادلتها الإبتسامة .... صباح النور يا قمر .. عاملة إية
سهر .... الحمدلله هو مستر هيثم لسه ماجاش
أميرة بنفي .... لا لسه بس هو علي وصول
سهر بإيماء .... تماام طب أنا المفروض أعمل إيه تاني
قامت أميرة من مجلسها ووقفت أمامها ..
أميرة .... إحنا المفروض دلوقتي نظبط شوية ملفات تعالي معايا بقي عشان أوريكي هنعمل إيه
ليسيروا نحو مكتب سهر لكي تعلمها أميرة بعض الأشياء علي الحاسوب .. وبعد مدة جاء هيثم ليرأهم يجلسون فإتجه إليهم ليصبح عليهم ..
هيثم بود
.... صباح الخير
سهر وأميرة في آن واحد .... صباح النور مستر هيثم
هيثم موجها حديثة للأميرة .... ها يا مدام أميرة خلصتي الملفات
أميرة .... أيوه يا فندم كل حاجه خلصت
هيثم .... تماام إبقي إبعتهملي علي مكتبي
أميرة بتأكيد .... تمام يا مستر هيثم
لينظر هيثم لسهر وهو يقول .... وإنت يا سهر تعالي ورايا المكتب
نظرت لها وقد ظهر علي ملامح وجهها التوتر قليلا ..
سهر .... ماشي يا مستر هيثم
ليسير لمكتبه بينما نظرت سهر لأميرة پخوف وتساؤل لتطمئنها أميرة .... ماتخافيش روحي يلا عشان ما تتأخريش عليه
هيثم بجدية .... هااا يا سهر إيه رأيك في الشغل في مشكلة ولا حاجه
أماءت رأسها بنفي ..
سهر .... لا يا مستر بالعكس الشغل كويس جدا وأنا الحمدلله إتعلمت حاجات كتيرة البركة في أستاذه أميرة
هيثم .... ماشي يا سهر طالما بقي الشغل عاجبك فا أنا عايز أشوف شغلك
نظرت له بتساؤل فأكمل حديثة .... يعني دلوقتي أنا أديكي ملف والملف ده لازم يخلص إنهاردة وبكده أشوف شغلك
أماءت رأسها بإيجاب .. ليشاور لها بأن تقترب ..
هيثم ... تعالي عشان اوريكي هتعملي إيه في الملف
إقتربت سهر من مجلسة ثم نظرت علي الملفات الذي يمسكها وبدأ أن يشرح لها عما ستفعله وبعد أن إنتهي ..
سهر بجدية .... أيوه يا مستر هيثم وإن شاء الله اخلصه في المعاد
هيثم .... تمام تقدري تروحي لمكتبك دلوقتي
أماءت رأسها ثم ذهبت بإتجاه الباب وخرجت للخارج .. لتري أميرة جالسة علي مكتبها لتذهب لها .. لتنظر لها أميرة بتساؤل ..
أميرة .... هاا قالك إيه !!
تنهدت سهر .... عايز يشوف شغلي فإداني ملف أشتغل عليه وشرحلي إزاي أعمله
أميرة بتفهم .... طب حلو اووي وكمان أنا معاكي لو حاجه وقفت معاكي .. أنا دلوقتي هطلبلك قهوة معايا عشان تعرفي تركزي وإنت بتعملية
سهر بحب .... تسلميلي ياارب .. بس ممكن تبقي قهوة فرنساوي عشان مش بشرب السادة
أميرة بمرح .... طب والله احسن حاجه أنا أصلا مش عارفة الناس بتشرفها إزاي سادة كده بس يلا ما أنا برضوا بشربها
لتضحك سهر علي حديثها لتقول .... والله إنت عسل
إبتسمت أميرة علي مغازلتها ..
أميرة .... والله إنت إللي عسل يلا بقي أروح اطلبلك القهوة واسيبك عشان تركزي
أماءت رأسها بإيجاب لتسير نحو مكتبها .. وأميرة قامت بطلب القهوة ..
.................................................
_ في مكان آخر .. بالأخص في شركة نهي ..
كانت تجلس علي مكتبها تنظر لحاسوبها وتكتب بعض الملاحظات .. فجاء مازن وهو يقول .. إيه يا نهي خلصتي الملف ولا لسة
نظرت له نهي لتتنهد بعمق ..
نهي .... خلاص في أخر حاجة أهوو
مازن .... طب كويس
نهي بتساؤل .... بقولك يا مازن إنت وراك حاجة إنهاردة !
مازن بنفي .... لا لية
نهي بخجل .... بصراحة كده كنت عايزاك تيجي معايا عشان أجيب الحاجات إللي نقصاني
غمز لها بطرف عينية بمرح ..
مازن .... وأخيرا هنخرج ده أنا لو مش فاضي كنت هفضالك يا نونو
إحمرت وچنتيها بخجل من اثر حديثة
نهي .... بس بقي يا مازن إحنا في الشركة عيب كده
مازن بنفي نبرته المرحة .... أيوه بقي الطماطم ظهرت وأنا مش هقدر علي كده لما نخرج بس
لټضربة نهي علي كتفة بخفة .... إتلم بقي وعلي فكرة بقي إحنا مش هنخرج لوحدينا
فرغ فمية بدهشة .... نعم يا ختي !! ومين إن شاء الله هيجي معانا
أطلقت ضحكة علي حديثة ..
نهي .... سهر هتيجي معانا عشان عايزة تشتري حاجات
نظر للأعلي داعيا وهو يتحدث بطريقة كوميدية ..
مازن .... يعني ياربي
