الظلم ظلمات1

ألف حمد و شكر ليك يا رب... ده أكيد عشان ساعدت اليتامى دول... أه صح.. تعالى يا واد يا بركات أمسك لهم الجاموسة بتاعتهم اربطها و وديها لهم.
....بركات أيوة صحيح كان في جاموسه هنا و أنا خارج شوفتها هي راحت فين .
.....المعلم صابر روح يا واد دور عليها حوالين البيت و المزرعه ..يالا بسرعه .
....المعلم صابر هو و إبنه دوروا عليها مالقوهاش .. مالهاش أثر و ده خلاهم هيتجننوا كانها فص ملح ودأب
البلد كلها انتشر فيها خبر إلي حصل و المعلم صابر إلي فجأة بقا باشا بعد كرم ربنا عليه كأن زعق له نبي.
......في بيت علوان
قعد قدام البيت على الكرسي و جه راجل لابس قميص وبنطلون
....علوان توك ما افتكرت يا حامد افندي
حامد مش على ما خلصت الورق وو ثقته
علوان يعني خلاص كده
حامد أيوه... أرض أخوك بقت بتاعتك رسمي فهمي نظمي و خلي حد يستجري يفتح بوقة بكلمه.
علوان عفارم عليك يا حامد... أسد
حامد بلا أسد بلا بطه ...فين الشاي بتاعي
طلع علوان رزمة فلوس من جيبه خد
وقف حامد بعصبية إيه دول ..دول مايكملوش خمس بواكي...
....وقف علوان وقال حلوين ما تبقاش طماع
......حامد حوش حوش..شوف مين اللي بيتكلم عن الطمع يا راجل ده أنت شافط مال ولاد أخوك في كرشك و إلي بنتعارك عليها دلوقتي دي إسمها رشوة.. 
أنت هتعملي فيها إمام مسجد..فوق يا علوان.. إحنا 
متفقين على عشرين باكو قصاد الورقة دي...هات.
علوان طلع له الفلوس خد...حار و ڼار في جتتك.
حامد أخد الفلوس و روح لاقى الجاموسة قصاد بيته.
.....قدام بيت حامد 
وقف يبص للجاموسة بس كبر دماغه و مشي يدخل البيت لكن فجأة لاقي البيت بيولع
....أهل البلد كلهم جم بسرعه لاقوا الجاموسة جنب البيت و البيت بيولع ... وحامد عمال ېصرخ عشان
عياله جوا و بيشتم في علوان وبيقول على اتفاقهم و الكل كان وسامع.
....و على ما أهل البلد خلصوا و طفوا الحريقة مالقوش أثر للجاموسة
.....و من ساعتها الكل بدأ يربط كل الاحداث ببعض و بيقولوا أن الجاموسة دي فيها حاجه غريبة بتظهر للي بيساعد الولاد دول و