الظلم ظلمات1

انت في الصفحة 9 من 11 صفحات

الحاج ... تاهت مننا وسط الزراعيه
....علوان هي ايه الي تاهت منك يا بهيم انت و هو ما أنا لو مشغل عندي رجاله بجد كانوا عرفوا يمسكوها..امشي غور من قدامي منك ليه ...امشي
.....مشي الشباب و علوان وقف يفكر في الجاموسه اللي كل شويه تظهر و تختفي تظهر و تختفي لكن ما شغلش باله قوي و دخل جوه بيته.
تاني يوم ...قدام الأرض

وقفت العربيات تحمل المحصول
و الراجل أدى لعلوان فلوس المحصول و اخد عربياته و مشي
......جه رشدي خال ولاد أخوه و وقف قدامه
أول ما علوان شافه خبى الفلوس وقال خير .. إيه إلي حدفك علينا
.....رشدي جرى إيه علوان انا كم مره هكلمك على فلوس الكتب بتاعه العيال
.....علوان كتب..كتب إيه هما مش دخلوا مدرسه.. ما خلصنا خلاص المدرسه تديهم الكتب ولا يبقوا يصوروها من صحابهم .. قال كتب قال هم اللي اتعلموا اخدوه ايه يا اخويا

.....رشدي كلام إيه اللي بتقوله ده يا علوان هي وصلت لكده كمان ده انت عمال تقطر عليهم الفلوس كأنهم بيشحتوا
حتى الكتب مش عايز تجيبها لهم مش كفايه مدخلهم مدارس حكومي و انت عارف أن ابوهم موصي يدخلوا مدارس لغات
....علوان لغات لغات إيه يا رشدي ... احنا فين و اللغات فين.. هو احنا وش الكلام ده.. احنا يا دوب يا يا اخويا نتعلم تعليم حكومي زي اللي انا و ابوهم اتعلمناه و

انت كمان ما انت تعليم حكومي يا رشدي اجيب لهم انا منين فلوس لمدارس لغات..
انت شكلك جاي تهزر على الصبح ولا انت ما اصطبحتش و لا ايه حكايتك
.....رشدي بطل لف و دوران يا علوان انت عارف ان ابوهم سايب لهم الي يكفيهم العمر كله و يدخلهم احسن مدارس كمان
هات يا علوان فلوس الكتب و استهدى بالله ده مال يتامى حرام عليك

.....علوان بقول لك ايه يا رشدي اتكل على الله و وريني عرض كتافك ما لكش فلوس عندي و كفايه عليهم قوي ان انا مدخلهم مدارس
و جايب لهم كسوة الصيف و كسوة الشتا فلوس مصاريف تاني ماليش فيه ماعنديش
.......رشدي انا