الظلم ظلمات2

انت في الصفحة 4 من 8 صفحات

لها علوان و قال في سره هتصرف و هخليهم يشحتوا و أخد أنا سلوى ليا.
فايزه شكت فيه وسألت بتقول حاجة يا علوان
...لكن علوان سابها و خرج
قدام البيت نادى علوان على صبيه
....علوان واد يا حمدان
جه حمدان جري و سأل افندم نعم يا بيه
....علوان العمال جمعوا محصول الباميه
حمدان شغالين فيه يا بيه يومين و يخلصوا
علوان يومين إيه...بكره قبل ما الشمس تغرب يكونوا مخلصين

حمدان بس يا بيه
....علوان مابسش ....و أسمع ...عايزك تلف على كل التجار و ترمي قدامهم خبر أن الحاج علوان عاوز يبيع المحصول النهاردة عشان يلحق يعزق الأرض و إلي هييجي أسرع هو إلي هيشيل
حمدان أوامرك يا بيه
...لف علوان عشان يدخل
.....وقفته فايزة على الباب.
فايزة ايه اللي أنا سمعتك بتقولوا للناس ده... أنت كده هتبيع بالخسارة

علوان خسارة قريبه و لا مكسب بعيد يا فايزة .
سابها و دخل على مكتبه
.....دخلت وراه و قالت كده هتشكك التجار فيك
علوان الطمع بيعمي العين يا فايزة و إلي هيجيلي النهاردة هيبقى الطمع عاميه و مش هيفكر ...و اسكتي بقا خليني أمخمخ و اعرف الم القرشين عشان افوق لابن الل......إلي إسمه رشدي ده و أعرف أدبه ..اخرجي يالا و خدي الباب في إيدك.

.....تاني يوم قدام مخازن علوان
وقف علوان و معاه أحد التجار
زناتي هتبيع المحصول كله على كده يا حاج علوان
علوان لأ مش كله ..شيل إلي تقدر عليه و الي يتفضل غيرك يتمنى و يشيل
زناتي هتبيعلهم على كام
علوان الطن على تلاته سبعومية
زناتي طمع و سأله للكمية كلها
علوان ايوه بس أنت هتاخد ربعها حاكم أن أنا في تجار ياما مكلمني عشان ياخدوا

زناتي ليه طب ما اشيل أنا
....علوان لأ مش هينفع يا معلم زناتي .
و سابه ومشي.
زناتي راح وراه و وقفه
....و قال و إيه إلي هيقل نفعه بس يا معلم
....علوان أنا عندي كمية بصفي الشغل عشان هغير النشاط عقبال أملتك .
زناتي على كده إلي سمعناه صح
علوان سمعت إيه
.....زناتي انك بتبيع كل المحصول و بتقطع شجر الفاكهه و هتزرعها برسيم و تشتغل في تعليف و تسمين المواشي.

.....ضحك علوان بمكر و قال ياه يا جدع...هو في ايه... هي أم البلد دي ما بيستخباش فيها سر ليومين.
.....زناتي سلو بلدنا بقا...بس تعالى لي دوغري و خلينا في موضوعنا ما طالما بتصفي ما تبيع لي المحصول كله و أشيل أنا
علوان و التجار إلي أديتهم كلمتي
....زناتي و انت هتحتاج كلمتك معاهم فى إيه و لا هتحتاجهم هما نفسهم في ايه ده أنت هتشتغل في كار تاني خالص

علوان بس يا معلم دول عشمانين فيا
زناتي و أنا كمان عشمان فيك ها قولت ايه أشيل البضاعة كلها... قول موافق خليها ترزق.
علوان يا حول الله يا رب هقول إيه يا معلم ما قدرش اردك ...شيل بس الفلوس كاش على الترابيزة.
.....قدام عربية نص نقل كبيره وقف زناتي و جنبه إبنه بيحملوا البضاعه.
.....وائل إيه إلي عملته ده بس يا حاج ... تدفع ملايين في بضاعه أد كده لواحد زي علوان ... الناس كلها بتتكلم......اى حد بيتعامل معاه بيحصل له إيه و بيخسر الجلد و السقط.
زناتي كلام إيه ما انت عارف الناس و طبعها تعشق اللت و العجن عايزين جنازة و يشبعوا فيها لطم و الكلمه على ما توصلك تبقى عشرة... أنا ماليش دعوة بكلام الناس أنا إلي ليا مصلحتي ... أنت عارف البضاعه دي فيها وفر في جملتها كام!
وائل كام.
زناتي تلاته مليون جنيه....ده بس المكسب الي وفرناه في شرى المحصول ما بالك بقا