الظلم ظلمات2

لنا ....اسمعي الكلام يا بنت الناس
عاجبك الفقر اللي انتي عايشه فيه ده.... أنتي إلي زيك تعيش في قصر...الفرصه ما بتجيش في العمر الا مره واحده و الشاطر هو اللي يمد ايده يكبشها ...انا هسيبك تفكري و مش عايز منك رد دلوقتي.... سلام
وقفت فايزه جنب باب مكتبه مصدومه مش مصدقه اللي هي بتسمعه .
......فايزة معقول علوان يعمل كده و يجمع كل الفلوس دي و عايز يسيبنى من غير و لا مليم .....لا انا ما ينفعش اسكت على الموضوع ده لازم يبقى لي حل و يبقى لي صرفه ....مش بعد كل الصبر ده اطلع من المولد بلا حمص لا و كمان مبدي عليا اكتر واحده ما بطيقهاش في حياتي
ماشي يا علوان انت و الست سلوى ان ما وريتكم.
علوان
....قاعد قدام البيت فجأه لقى الجاموس ظهرت قدامه بص لها و سكت
جه حمدان و قال الجاموسه يا معلم انا هروح اجري 
......علوان ما لوش لازمه ياض يا حمدان كم مره جربنا و ما بنعرفش سيبك منها انا خلاص خلصت القصه دي كلها
حمدان قصة إيه اللي خلصتها يا معلم
.....علوان مش شغلك انا داخل أقيل لي ساعتين و انت بقى لو عرفت تقفش الجاموسه دي اقفشها ما عرفتش خلاص ما بقاش في حاجه يتخاف منها...
البضاعه و بعتها و الارض بردو بعتها و اخذت فلوسها و صفيت كل حاجه يعني كل الكلام الفاضي اللي كانوا اهل البلد بيتكلموا فيه ده مش صح.
حمدان كان واقف بيسمعه و هو مصډوم لف بعد ما علوان دخل و ما لقاش الجاموسه فعلا ضړب كف على كف و مشي
في القاهره
وصل المعلم زناتي هو و ابنه و بدأوا يشونوا البضاعه في المخازن
.....زناتي شوفت يا باقف.. ادينا خلصنا و جينا و خلصنا البيعه و كله تمام و عال العال ...ما كانش له لازمه بقى الخۏف و القلق اللي انت كنت فيهم دول.
....وائل اعمل ايه بس يابا ما هو الكلام اللي احنا سمعناه و موضوع الجاموسه اللي بتظهر وتختفي دي و اهل البلد كلهم بيتكلموا عنه انا يعني جايب حاجه من عندي
....زناتي جمد قلبك ياض ..اهو احنا خلصنا البيعه و هنكسب منها فلوس زي الرز و بكره تشوف
....وائل بص ورا ابوه پصدمه و قال له الحق يابا بص... بص الجاموسه دي ايه اللي جابها هنا ده المنطقه دي ما فيهاش بهايم خالص
زناتي بص وراه و اټصدم مش مصدق عينه.
زناتي دي الجاموسه اللي اهل البلد كانوا بيتكلموا عنها فيها نفس المواصفات
وائل يا خبر اسود و مهبب يعني ايه يعني ايه الكلام ده احنا لازم نمسك الجاموسه دي و نخلص منها احنا مش حمل خساره
....وائل نادى كل الصبيان و فضل يجري ورا الجاموسه لكنها اختفت فجاه ما حدش عارف لها طريقه و الكل بقى مستغرب الحكايه دي ازاي الجاموسه جات من القريه للقاهره
دخل وائل لزناتي جوه المحل
زناتي عرفتوا تمسكوها
وائل فص ملح و داب يا بابا كأن الارض اتشقت و بعتها ده كأنها ما كانتش موجوده اصلا
.....زناتي طب إزاي ...ده انا برج من نفوخى هيشت ...ده لولا أن انا شفتها بعيني زيي زيك كنت ما صدقتش
.....وائل حتى الصبيان هما كمان شافوها و كانوا بيجروا وراها بس فعلا اختفت كأنها مش موجوده اصلا الموضوع ده مش هيعدي على خير انا قلبي حاسس
.....زناتي بقول لك ايه يلا احنا ما لناش دعوه بالموضوع ده و أن كانت الجاموسه بټأذي