حكايتي
مش فايت على الجنان...هبيع الاب توب...و بعدها نبيع عفش البيت مش كده.
هناء ايوه يا صلاح ... و أعمل حسابك على كده ... لكن تشيل من دماغك فكرة إني ممكن أجل درس البنت و لا كتب ليها ساعه واحده مش يوم كامل.
صلاح سابها و خرج.
لفت هناء لاقت مي فتحت باب اوضتها بتتفرج على الخناقة.
صړخت فيها ادخلي ذاكري اياكي تسيبي الكتاب دقيقه.
قعد صلاح مع جميل اخو هناء.
جميل معقول الكلام الي بتقولوا ده يا صلاح و سمعت كلامها
صلاح ايوه يا جميل معقول و اه سمعت الكلام و روحت بعت الاب توب عشان أجيب لها الفلوس و الاب ده اصلا كان عليه كل شغلي.
جميل ايوه بس ما علش يعني أنت كده غلطان.. إزاي تسمع كلامها مش كل إلي تقوله يتنفذ.
صلاح لو ما كنتش اخدتها من قاصرها و سمعت الكلام و عملت لها إلي هي عايزاه كان هتبقى ليله و في الآخر كنت هضطر بردو اعملها إلي طلبته .
صلاح جميل أنا جيت لك انت عشان أنت أخوها... ة ربنا يعلم أنا ماكنتش عايز ادخل حد أصلا بس أختك حابسه البت ليل نهار في اوضتها.. دي بتحسب لها الدقايق إلي بتاكل فيها الساندويتش و الحمام يلزمه كام دقيقة .. يا جميل دي ساعات بتخبط عليها تخليها تخلص الحمام ڠصب عنها و تخرجها.
في بيت هناء
خرجت مي من اوضتها و هي لابسه و راحت لمامتها على المطبخ.
مي ماما أنا نازله
رمت هناء الطبق في الحوض و قالت إيه ده أنتي رايحه فين على الصبح كده.
مي لازم اروح المدرسه ...صحابي قالوا لي اني هيتعبت لي إنذار
هناء لأ مدرسة ايه و هبل إيه.. مافيش مرواح.. أدخلي ذاكري.
مي يا ماما لازم أروح عشان الغياب و على فكره المدرسة فيها شرح بردو و كتير بيكون حلو و مفيد
هناء أنتي كده كده بتاخدي دروس هتستفيدي إيه
