أخرة الصبر

انت في الصفحة 6 من 9 صفحات

معلش لازم تصبر و تحتسب عند ربنا ...و انا ما ضحكتش عليك و لا غشيتك من البدايه ... دلوقتي انت لازم تاخد بالك بالمدام لان صحتها في النازل ...العمليه كانت صعبه ومجهده جدا لصحتها
....ماهر ماشي.. حاضر بس انا عايز احجز لعمليه تانيه
......دكتور مصطفى مش لما المدام تبقى كويسه الأول لازم تاخد فتره ترتاح و الرحم يرتاح و يرجع لوضع الطبيعي

......ماهر ماشي ماشي ..صح عندك حق صحتها مهمه انا هاخد بالي منها
......ماهر ساب الدكتور و أخذ ليلى و أمها في العربيه وراحوا عند بيت وفاء .
......في العربيه .
وفاء كان عليكي بايه بس كل ده كله يا بنتي ..انتي مالك انت و مال العمليات دي
ليلى كانت تعبانه و مش بترد
.....فقال ماهر معلش يا طنط نصيبنا .
......وفاء ده نصيبك انت يا حبيبي مش نصيب بنتي

......ماهر عندك حق بس انا كنت اعمل ايه انا ما اقدرش ابعد عن ليلى يعني كنت اسيبها يعني
وفاء استغفر الله العظيم يا رب مش عارفه يا ابني اقول لك ايه ربنا يصلح لكم الحال
عدت فترة و تفيدة مش مبطلة كلام
.....كان ماهر واقف البلكونه بيشرب شاي لاقى ليلى طالعه من تحت معيطه
....اخذ الكوبايه حطها على السفره و قال لها ايه يا ليلى مالك في ايه اللي حصل

.....ليلى هيكون هي اللي حصل غير كالعاده امك بتسمعني عشان موضوع الخلفه و أنا تعبت و زهقت.. اعمل ايه يعني
ما هو على يدك كشف و روحت و كشفت
و عمليات و عملت ..انا صحتي اتبهدلت و بقت في النازل قول لها ترحمني بقى
.....ماهر معلش يا ليلى استحمليها هي زي امك برده و انت صبرتي كتير بجملة بقا
......ليلى و خلاص بقى جبت اخري.. ما بقتش قادره مش كفايه ان هما شايفين ان انا اللي عيب مني و المشكله فيا

و إن أنت حقك تتجوز عادي... و بسمع كل ده و انا مستحمله و ساكته ..
.بعمل العمليات صحتي بتتبهدل و انا ساكته بس و الله ما بقتش قادره أتحمل بقى .
.......ماهر عندك حق يا ليلى ..انتي استحملت كثير بس لو انت عايزه تنفصلي و تبعدي عني انا مش هقدر ابعد عنك يا ليلى ما تسيبنيش
........ليلى كانت حاسة ان هو ضعيف جدا و دايما بتحاول تحسسه انها مستكفيه بيه و مش عايزه اي حاجه من الدنيا غيره

.....عدت ايام و في مره ماهر رجع من الشغل و قال لها ليلى انا هسيب الشغل
......ليلى يا لهوي انت بتقول ايه .شغل ايه اللي انت عايز تسيبه. هو حد لاقي شغل عشان انت تسيبه يا ماهر انت بتتكلم ازاي
.......ماهر الشغل بياخد كل الوقت و ما بقاش جايب همه انا عايز أشتغل و ابقى تاجر. التجاره فيها 34 الرزق خلي داخلنا يزيد و القرش يجري في أيدينا و نعرف نعمل عمليه ثاني.

.....ليلى يا نهار ابيض... يعني انت عايز تضحي و تجازف عشان تعمل العمليه و بعدين عمليه ايه بس ... دي رابع مره و لا خامس مره
و كل مره مش بتكمل ... ارضى يا ماهر بالمقسوم زي ما انا ما رضيت و خلاص أنسى الموضوع ده انت ايه اللي مفكرك
......ماهر انسى أزاي يا ليلى و انا كل ما ببص في عينك بشوفك و انت بتحني الاطفال
و انا كمان مش هخبي عليكي انا بحن لهم و عشان نقدر نصرف على الموضوع ده لازم يبقى معانا فلوس كثير .
.انا خلاص فكرت و قررتك من بكره هفتح