قصة جديدة شيقة
و مشي و هي ما ركبتش ... و مالها بتتلفت حواليها كده ليه معناه ايه الكلام ده... يعني هي فعلا مش هتروح المدرسه و كانت بتكذب عليا
سكت و هو شايفها بتشاور تاكسي قال للسواق اطلع يا اسطى بسرعه ورا التاكسي اللي هناك ده و خليك ماشي وراه
فضل راشد ماشي وراها بالتاكسي لحد ما الاقها بتنزل قدام كشك بقاله صغيره في منطقه شعبيه جدا
راشد و هو واقف ورا الشجره إيه ده ايه اللي جايب بنتي مكان زي ده تعرف مين هنا و بتعمل ايه لا انا مش هينفع اسكت على الموضوع ده انا لازم أقرب اعرف ايه اللي بيحصل.. ايه ده ايه ده
سكت و هو مصډوم كان شايف نرمين عماله تنزل الكراتين من عربيه نص نقل و تحطها على الارض
راشد فضل يقرب من الكشك البقاله و كل ما يقرب ېتصدم اكتر .
راشد يا نهار ابيض... يا نهار ابيض ...يا نهار ابيض يا راشد ..مش مصدق ..مش مصدق اللي كنت خاېف منه طول السنين اللي فاتت انه يحصل بيحصل أهو.. انا مش مصدق بجد.. مش مصدق امينه دي امينه انا متاكد.. بس نرمين عرفتها ازاي و وصلت لها ازاي هو ده اللي انا كنت خاېف منه... ده اللي انا ما عملتش حسابه
فلاش باك
في شقه قديمه كان راشد عايش فيها قبل كده
وقف راشد في المطبخ يقلب الشاي و هو بيقول قولت لأ يعني لأ يا امينه
أمينه وقفت ورا تتحايل عليه و قالت و النبي يا راشد... ربنا يخليك.. بقول لك امي تعبانه و لازم اروح ازورها ...اللي انت بتقوله ده ما يرضيش رب و لا عبد
راشد اللي انا بقوله ده شرع ربنا
