قصة جديدة لرحمة

رمضان كريم
في مطبخ على قد الحال قوي
وقفت نهى بتقلي بطاطس على البوتاجاز.
دخل عليها ابنها و قال
علي ماما انا جعان قوي يا ماما
نهى حاضر يا حبيبي انا بعمل الاكل أهو ليك انت و أخواتك
علي بتعملي إيه بطاطس.. ثاااني.... هو كل يوم بطاطس و جبنه.. و جبنه و بطاطس .. انا زهقت بقى
نهى معلش يا حبيبي كل و قول الحمد لله ...في ناس غيرنا كتير مش لاقيين

علي ماشي الحمد لله . بس انا بصراحه نفسي في لحمه و فته زي اصحابي ما بياكلوا
نهى سمعت كلامه زعلت جدا بس سكتت و قالت له برده نقول الحمد لله يا علي
في صالة شقة نهى
خرجت بره في الصاله الصغيره و كانوا عيالها قاعدين على الارض مستنيين الاكل
نهى يلا يا ولاد الاكل جاهز
اسيل بطاطس تاني يا ماما انا بطني نشفت من اكل البطاطس
نهى حتى انتي كمان يا اسيل مش عاجبك الاكل
اسيل أيوه يا ماما أنا نفسي في اكل زي ما أصحابي بياكلوا فراخ او لحمه .. أي حاجه من الحاجات دي
نهى حاضر .. حاضر يا ولاد... ان شاء الله ربنا هيفرجها
في كافيه شيك جدا و هادي
قعدت نجوى مع تقى صاحبتها اللي كانت بتحكي لها على الاعمال الخيريه اللي بتعملها
نجوى بصراحة يا تقى انا مش عارفه بتستفادي ايه من كل اللي انتي بتعمليه ده ... دي حاجه منتهى الملل ... سافري يا بنتي... اتفسحي شوفي الدنيا.. انتي لسه صغيره ..في حاجات كثير قوي ممكن تتعمل
تقى بالعكس يا نجوى انتي بتقولي كده علشان ما جربتيش بس عمل الخير ده حاجه حلوه جدا و بتحسسك انك مالكه الدنيا و اللي فيها انا مش محتاجه اسافر عشان احس إحساس حلو .. أنا بشوفه كل يوم في الناس اللي انا بساعدها
نجوى أيوه يا حبيبتي بس انتي كمان لسه صغيره لازم تنبسطي مش يبقى كل يومك في الحاجات دي
تقى صدقيني يا نجوى لما تعملي كده و تجربيه هتدمنيه و مش هتبقي عايزه تبطليه ابدا... عمل الخير و مساعده الناس اهم و أحلى حاجه في الدنيا
نجوى لا ربنا معاكي انا مش فاضيه ..انا رايحه عندي كشف عند الدكتور اشوفك بعدين يلا سلام
في بيت على اد حاله أوي بيت تغريد صاحبة نهى
قعدت نهى مع واحده صاحبتها بتتكلم معاها و بيشكوا هما الاثنين همهم لبعض
تغريد الدنيا بقت غلا و كوا يا نهى يا اختي .. انا ما بقتش ملاحقه على طلبات العيال لا و كل شويه يتفننوا في الطلبات و عايزين يقلدوا اصحابهم
نهى امال انا اقول ايه جوزي اللي ربنا ما يكسبه و لا يربحه سابنا و رمانا و راح جري مع ورا البت اللي ناطفه ريشو أول باول و مش سائل فيا و لا في عياله
تغريد هقول ايه منه لله .. بصي يا نهى انتي لازم تدوري لك على شغل ثاني
نهى هو في وقت و بعدين حد لقى شغل و قال لأ... يا ستي شوفي لي معاكي... بس انا مشكلتي دلوقتي حاجه ثانيه
تغريد ايه هي
نهى العيال يا تغريد ..بيقولوا لي نفسنا في اللحمه او الفراخ اعمل ايه دي بقت غاليه قوي
تغريد لحمه مره واحده تصدقي و تأمني بالله انا بقى لي شهرين ما دخلتها بيتي .. كل حاجه بقت غاليه.. بس انا هقول لك على حاجه ..عليكي و على الجزار اللي في اول الشارع لحمته حلوه و بيبيع مواسير ...هاتي لك واحده و اعملي لك