قصة جديدة لرحمة
...طيب ماشي يا نهى... ماشي ...امشي انتي بس دلوقتي و انا هبقى افوت عليكوا بعدين.
نهى ما انت كل مره بتقول كده يا عادل و لا بتفوت و لا بتعمل حاجه و مش عارفه أخد معاك لا حق و لا باطل
عادل لأ لأ هاجي... أمشي انتي بس دلوقتي يلا روحي للعيال
مشيت نهى و فضلت مستنيه كذا يوم و برده عادل ما جاش .. ما بقتش عارفه تعمل ايه خصوصا إننا في ډخله رمضان
كانت قاعده على مكتبها و هي سرحانه مش بتعمل شغلها
تقى نجوى جه وقت البريك اطلب لك اكل معايا
نجوى لا يا حبيبتي مش هو عايزه حاجه روحي كلي انت
تقى مالك يا بنتي بقى لك فتره كده حالك مش عاجبني وشك مصفر و دايما مسهمه و حزينه.. هو حصل حاجه.. طنط فيها حاجه تعبانه
نجوى ما قدرش تستحمل و عينيها رغرغت بالدموع و قالت لها لأ ماما مش تعبانه.. انا اللي تعبانه يا تقى
قعدت معاها نجوى و حكت لها على كل اللي حصل و أنها مستنيه نتيجه التحاليل
تقى طب اهدي يا نجوى .. اهدي و ان شاء الله خير.. ما تقلقيش ربنا مش هيجيب حاجه وحشه ابدا... اقول لك ايه رايك لو تطلعي صدقه بنية إن ربنا يجيب العواقب سليمه و يشفيكي
نجوى أطلع فين بس يا تقى انا ما اعرفش حد حتى الاماكن اللي بتاخد الفلوس دي بيقولوا ان هم بياخدوها لنفسهم ما بيدوش حد حاجه
نجوى تقى انا مش قادره اتكلم و لا طايقه حد و لا طايقه نفسي حتى... بصي انا هقوم امشي و أنتي ابقي خدي لي نص اليوم الباقي أجازه... يلا سلام
على باب محل الجزارة
نجوى السلام عليكم
المعلم زكي و عليكم السلام و رحمة الله و بركاته.. أؤمريني يا استاذة
نجوى عايزه 3 كيلو لحمه عاديه و اثنين كبده و عايزه ممبار و سوسيس ول و في عرق فليتو حط لي بس بسرعه الله يكرمك عشان مستعجله
قعدت نجوى على الكرسي تبص على اللي رايح و اللي جاي على الطريق
و بعد شويه لقت ست داخله المحل و بتكلم للمعلم و هي مكسوفه
في المحل
نهى سلام عليكم يا معلم ازيك
المعلم زكي الحمد لله فضل ونعمه أمريني يا مدام
المعلم زكي لا عندي ..عيوني حاضر .. أتفضلي بس أستنيني
قعدت نجوى تبص على الست دي و سمعت نهى و هي بتتكلم في التليفون مع تغريد صاحبتها و بتقول لها ان الراجل وافق يديها الماسوره و هتعمل عليها شوربه و فتة لعيالها .
فقامت نجوى بهدوء من على
