قصة جديدة لرحمة

يرزقكم من حيث لا تعلمون
اخذت نهى الاكياس و مشيت و هي طايره من الفرحه مش عارفه تعمل ايه
في الوقت ده كانت نجوى قاعده في عربيتها مبسوطه جدا و فرحانه انها عملت خير من الفلوس الكثير اللي معاها
و هي ماشيه شافت نفس الست و معاها الاكياس بتفتحها و بتدي للناس الغلابه في الشارع
نجوى كانت مستغربه جدا و من كتر ما هي مستغربه قررت تنزل من العربيه و تكلمها
في الشارع قدام باب العماره .
نزلت نجوى من عربيتها و وقفت قدام نهى اللي كانت بتدي كيس لحمه لست غلبانه قاعده
نجوى لو سمحتي يا مدام ممكن اسالك سؤال
نهى أيوه أتفضلي .. ثواني... هو مش انتي اللي كنتي عند الجزار من شويه
نجوى أحمم .. ايوه ..انا ... انا .. أنا عايزه بس اسالك انتي ليه بتوزعي الحاجه دي .. أقصد يعني انه...
نهى حست ان في حاجه و قالت لها هو انتي اللي دفعتي لي تمن الحاجات دي و حاسبتي عليها مش كده .
نجوى هو بصراحه .. ايوه انا ...و بصراحه اكثر استغربت لما لقيتك اخذتيها بتوزعيها و انتي محتاجاهم و عندك عيال.. انا سمعتك و انت بتقولي للجزار خلص بسرعه عشان انتي مستعجله عشان عيالك
نهى أيوه فعلا و عايزه أروح لهم بسرعه و شكرا على الحاجه
نجوى أيوه طب لما هو كده ليه بتوزعيهم ..دول يادول بيكفوكي الشهر
نهى الناس اللي محتاجه كتير و انا ربنا كرمني من حيث لا احتسب يبقى كمان أوسع على الناس اللي محتاجين زيي و أديهم و أكيد ربنا هيكرمني ثاني و يوسع عليا
نجوى مش مصدقه بجد ..مش مصدقه ان في ناس كده .. أنتي بجد صدمتيني
مشيت نجوى و هي مش مصدقه اللي بيحصل و انها محتاجه و في نفس الوقت بتدي الناس.
روحت البيت و هي بتفكر في اللي حصل طول اليوم
و نهى اخذت الحاجه و روحت بيتها طبختها لعيالها و فرحوا جدا
في شقه نهى الصغيره .
في الصالة على الأرض ..كانوا قاعدين على الاكل
علي الله يا ماما ... ده أتاري اللحمه طعمها جميل قوي... شكرا ان انت جبتيها لنا
نهى بالهناء والشفاء يا حبيبي... مبسوط يا علي
علي ايوه طبعا مبسوط... طعمها حلو قوي.. ابقي اعملي لنا منها كل يوم.. هو في هنا تاني 
نهى لا يا حبيبي ما فيش تاني ..بس ان شاء الله أكيد أكيد ربنا هيكرمنا و مش هينسانا
سكتت نهى و هي بتتنهد... صحيح هي مطمنه عشان ربنا معاها. .. بس في نفس الوقت كانت شايله هم بكره و مش عارفه هتعمل ايه.
في مطعم هادي .
قعدت نجوى قدام صاحبتها تقى
كان الاكل قدامهم و تقى بتاكل
بصت تقى على نجوى و قالت لها ايه يا نجوى ما بتاكليش ليه
نجوى لا يا حبيبتي باكل اهو
تقى بتاكلي إيه يا بنتي.. ده انتي قاعده تلعبي في اكلك من الصبح.. قولي لي مالك كده ايه اللي شاغل بالك
نجوى الست اللي حكيت لك عنها يا تقى ..ست غريبه قوي.. ما معهاش قوت يومها و عندها عيال و مع ذلك وزعت الحاجه اللي اديتها لها على المحتاجين.
تقى ما الناس دي برده محتاجين يا نجوى و ما يحسش بالغلبان الا الغلبان اللي زيه و محتاج و داق الحوجه زيه... عشان كده هي حاسه باحساسهم فبتساعدهم و انا متأكده ان اكيد الست دي ربنا هيفرجها عليها من وسع عشان سعدت غيرها زي ما انا متاكده انه هيفرجها عليكي كده و ثان