قصة جديدة لرحمة

ايدها على قلبها و الدكتوره عمال يقلب في ورق التحاليل اللي قدامه
نجوى ها يا دكتور ...طمني
الدكتور لا خير خير
نجوى يعني ايه يا دكتور ما قولتش حاجة برده
الدكتور لأ لأ .. ده كده حلو قوي ... أنا كنت فاهم ان لا قدر الله في حاجه .. لكن الحمد لله الورم طلع حميد.. ممكن نستأصله بعمليه بسيطه إن شاء الله مع شويه أدويه هترجعي زي الاول و أحسن
نجوى بجد يا دكتور يعني انا كويسه ما فيش حاجه
الدكتور أيوه محتاجين عمليه بس مش هتبقى بالخطوره الثانيه اللي كانت في دماغي .. أحمدي ربنا انت احسن من غيرك كثير
نجوى فرحت جدا و روحت بسرعه على البيت تفرح مامتها
في عربيه نجوى.
كانت بتسوق و هي طايره من الفرحه و كلمت تقى
نجوى الو .. ايوه يا تقى... شوفتي ..طلع ما فييش حاجه ..مجرد عمليه بسيطه بس اللي محتاجاها ...انا كنت خاېفه و مړعوبه و الله يا تقى .
تقى بجد يا نجوى و الله فرحتيني .. ده انا كنت قاعده قلقانه عشانك ... طب الحمد لله المفروض تشكري ربنا
نجوى الحمد لله و الشكر لله و بردو ده من فضلك انت و بفضل نصيحتك ليا ...فاكره لما قولت لي اعملي خير و طلعي صدقه بنيه الشفا... انا فعلا عملت كده و كان ليها مفعول السحر و الله يا تقى
تقى شوفتي يا نجوى .. مش قولت لك ... التجاره مع ربنا دي احلى و اجمل حاجه في الدنيا ...دايما تعملي كده يا نجوى... أوعي توقفيها
نجوى لا طبعا ده انا دلوقتي رايحه اتبرع بمبلغ كبير كمان .. سلام دلوقتي يا تقى انا فرحانه ...فرحانه قوي ..سلام
في شقه نهى في الصاله .
قعد عادل على الكنبه جنبها .
فسألته ايه اللي جابك يا عادل ... إيه اللي فكرك بينا ... مش جيت لك البيت اتحايلت عليك تصرف على العيال.. و لا تجيب لهم لبس او اكل ...قولت لي روحي انتي و انا يومين و هاجي لك و أدي وش الضيف... لا جيت و لا سألت .. ايه اللي جايبك دلوقتي 
عادل جاي لك ندمان يا نهى ... انا غلطان.. انا عيل... انا مش راجل عشان سبت بيتي و عيالي و جريت ورا واحده ما تسواش و في الاخر سرقتني و كانت عايزه تاخد و تقشط كل اللي حيلتي ...بس لأ.. على مين انا كنت صاحي لها اول ما حسيت بالغدر من ناحيتها و كلامها كده ما بقاش عاجبني.. فوقت لها ...دي كانت خلاص هتاخد الشقه كمان.
نهى يا لهوي ... يعني ايه يعني كل اللي عندك راح
عادل لأ و شرفك عرفت اظبطها بنت اللذينه .. هي كانت ناويه تاخد كل حاجه طلعت عارفه واد شمال وبتاخد فلوسي و تديها له
نهى سبحان الله يا أخي... شوف اللي حرمت عيالك منه ده في واحده ما تسواش 3 مليم أخذته عشان تديه لواحد ثاني و عيالك جعانين شوفت عقاپ ربنا ليك ..انت تستاهل اللي يجرى لك يا عادل
عادل عندك حق في كل كلمه بتقوليها أنا مش هلومك و لا هعتب عليكي.. ليكي حق تقولي اكثر من كده كمان... بس و الله يا نهى انا فوقت و أتمنى ما يكونش بعد فوات الأوان
نهى أه و رجعت دلوقتي بعد ما بقيت على الحديده مش كده
عادل قولت لك لا ...انا كنت صاحي لها كانت عايز تاخد الفلوس اللي في البيت بس