قل متى ستحبني2 الحلقه الخامسه
ايه لما يكون ابوك ولا اخوك مقبوض عليه ومن امن الدوله!! وانت جاي بكل بساطه تقول خليهم مرمين في الحجز لبكره علشان الله اعلم وراك ايه
احمد بيبصلها بذهول وهيا كمان مستغربه ازاي بتكلمه كده! بس هيا مخنوقه لانها عارفه انه رايح لحبيبه قلبه وهيا ملهاش اي حق عليه
احمد خلصتي اولا رايح فين ده شيئ ميخصكيش
ثالثا المفروض انهم يفرحوا لان البريئ فيهم هيتقفل ملفه نهائي كأن لم يكن
رابعا انا مش اله بزرار انا انسان عادي ومحتاج ياكل وينام ويرتاح وانا من امبارح هنا وانتي عارفه كده
في وضعي ده حكمي علي الامور بيتشوش وده مش في مصلحتهم يبقي يستنوا يوم احسن ما يستنوا العمر كله
ما تدخليش في اللي ميخصكيش انتي ليكي وظيفه معينه ما تتعديهاش
هيا سكتت وهو بصلها نظره طويله وهيا باصه للارض وبعدها اخد بعضه ومشي
راح علي بيته وقاعد مع بنته بس طول الوقت عقله معاها!! متضايق لانه زعلها!!! نظره الانكسار اللي شافها في عنيها مش رايحه من باله
حاول ينام ويدوب نام ساعه بالعافيه وقام لبس هدومه
احمد معلش يا بنبونايتي عندي شغل مهم لازم اخلصه الاول
ياسمينا ثغل ايه الاهم مني انا اهم حاجه
احمد طبعا انتي اهم حاجه بس في ناس مقبوض عليها من امبارح وانا لازم اشوف مين اللي يطلع ومين لأ والناس دي كل واحد فيهم عنده عيال كده زيك
ترضي ان باباكي يتحبس يوم زياده علشان واحد خارج مع بنته يفسحها ولا نخرجهم الاول يروحو لعيالهم وانا وانتي نخرج بكره اختاري انتي
احمد حضڼ بنته وشالها وباسها
احمد لو بايدي يا قمر ما اسيبكيش ابدا ابدا
ياسمينا طيب اجي معات
احمد لا ما ينفعش وانتي عارفه كده
راح شغله وقابل عماد في طريقه
احمد جهزلي بتوع العزبه علشان هبدأ معاهم يالا
وهو ماشي قابل ست كبيره عجوزه وقفته
احمد جوزك ده يبقي مين
الست اسمه سيد الامين وجم امبارح قبضوا عليه وهو راجل كبير وصاحب مرض وقالولي انه هنا والنبي يا ابني تساعدني
احمد رن في دماغه كلام سلمي
مسك ايد الست واخدها معاه وقعدها
احمد استني هنا وانا هشفهولك واجيبهولك اتفقنا
الست اللهي ربنا يريح قلبك وينور طريقك وما يحرمك من حد غالي ابدا
كانت في منتهي الهدوء وهيا نايمه
أنب نفسه علي ضعفه ووعد نفسه بانه يسيطر عليها وان صوره عبير ما تفارقوش لانه ما ينفعش ېخونها ابدا
احمد سلمي انتي يا بنتي اصحي
سلمي يووه بقي عايزه انام امشي اطلعي بره
احمد امشي قرب منها وهزها قومي نامي في بيتكم قومي
سلمي للحظه مش مستوعبه مين بيصحيها وفجأه قامت واتنفضت
سلمي انا اسفه انت جيت امتي وبعدين انت مش قلت مش هتيجي
احمد مليون سؤال ورا بعض
لسه جاي ومجاليش نوم بسبب سيادتك وكلامك ودماغي هتتفرتك من الصداع وحضرتك هنا نايمه وبتحلمي كمان
سلمي بحلم بايه هو انا قلت حاجه وانا نايمه
سلمي متوتره جدا وهو عجبه ده وقرر يلعب بيها شويه
احمد حاجه قولي حاجات!!! بقي كل ده يطلع منك!! مع ان شكلك مايبنش عليه ابدا
سلمي قلت ايه وقلت عن مين
سلمي خاېفه تكون وضحت حاجه عن مشاعرها ناحيته هو
احمد علي فكره السكه اللي انتي ماشيه فيها دي اخرتها مش حلوه
