عشق أرسلان الجزء الثاني
إياه كنت بكلمه في شغل واليوم هو اللي جه يكلمنا ..
أرسلان عادي يعني ممكن تتكلمي معايا بما إننا أصدقاء الحب مش عيب لوكان الحب حقيقي دي حاجة حلوة برضو ..
حياة پغضب إنت بتقول إيه أنا مش بحب حد ماتخلنيش أندم إني جيت أطمن عليك يعني بدل ماتشكرني بتسألني أسأله مش مفهومه ..
أرسلان تمام مش هسألك ثاني أريان إنسان كويس ومناسب ليكي ..
حياة بعصبية إنت عايزني أفقد أعصابي حب إيه اللي بتتكلم عنه دا هو بيحب واحدة ثانية ..
أرسلان إنتي متعصبة ليه دا كان مجرد سؤال إتفضلي ممكن تمشي دلوقتي ..
حياة هي دي الطريقة اللي بتعامل بيها ضيوفك تمام أنا همشي ..
خرجت پغضب ورزعت الباب وراها بكل قوتها هي مش فاهمه هو ليه بيسألها أسأله زي دي ..
دخل لوالدته قعد قدامها وباس إيدها
أرسلان أنا عارف ياأمي إني النهاردة عاملتها معاملة وحشه لكن أنا عملت كدا علشان سلامتها وكذبت عليها أتمنى إنها تسامحني ..
حياة رجعت للبيت قعدت لوحدها كانت زهقانه خالتها راحت لشغلها وأسيل راحت المكتبة وأرسلان مش عارفه ليه بيعاملها بالطريقة دي
في المكتبة عند أسيل
كانت قاعده بتقرا كتاب لحد مادخل عليها واحد إسمه زين كل مرة بيجي يأخذ كتاب علشان يشوفها
أسيل محتاج مساعده ..
زين أيوه كنت عايز كتاب إسمه وعايز حاجة كمان ..
أسيل هتلاقيه هنا أشارت إلى أحد الرفوف
زين أسيل إنتي عارفه إني بحبك من زمان أوي ..
أريان پغضب إنت قلت إيه عيد اللي قولته ..
بصله زين شاف عروقه هتخرج من مكانها و الشرر بيطاير من عينيه
زين قولتلها إني بحبها وهروح أطلب
لسه ماكملش كلامه حتى تلقى صڤعة وقعته على الأرض مسكه من هدومه وفضل يديله في بوكسات لحد ما ملامحه مبقتش باينه
أسيل بفزع أريان كفاية سيبه ھيموت في إيدك ..
زين إنت مين أصلا علشان تتحكم فيها مايمكن هي موافقه إنها تتجوزني ..
أريان ماشي تعالالي بقى مسكه من رقبته وضغط عليها لحد ماكان خلاص بيختنق
أريان لوشوفتك هنا مرة ثانية أنا مش هضربك أنا هموتك ..
أريان سابه زين وقع على الأرض
قرب أريان منها وبص في عينيها
أريان جهزي نفسك النهاردة بالليل هاجي علشان أطلب إيدك من والدتك يلا على البيت ولو شوفتك مره ثانيه بتتكلمي حد هيكون اخر يوم في عمره ..
أسيل بلاش تتدخل في حياتي إنت مين أصلا علشان تتحكم فيا وبعدين مين قالك إني عايزه أتجوزك ..
أريان پحده أنا مسألتكيش عن رأيك أنا قلتلك النهاردة بالليل جهزي نفسك مع السلامة ياحبيبتي
خرج أريان ضړبت المكتب قدامها پغضب
أسيل دا بجد مچنون لكن هو بجد هيجي بالليل لازم أروح يمكن يكون بيتكلم بجد ..
رجعت أسيل للبيت وحكت لحياة على كل حاجة
حياة هو تصرف مچنون لكن هو بيحبك وبيغير عليكي حلو أوي هما فين أهله أنا ماعرفش غيروا ..
أسيل هو ماعندوش غير والدته ماعندوش إخوات ..
حياة طيب إنتي بتحبيه ولا إنتي قلقانه من جنانه ..
أسيل أنا بحبه من زمان أوي كنت خاېفه ليكون بيحب واحده ثانية وماتوقعتش إنه هو كمان بيحبني ..
أمل رجعت من شغلها بدري وكانت شايله بإيديها حاجات كثيرة ..
أسيل باستغراب ماما إنتي روحتي بدري فيكي حاجه في حاجة حصلت ..
أمل يلا قوموا يابنات ماعندناش وقت في ضيوف جايين لنا النهاردة بالليل ..
أسيل ضيوف مين ياماما..
أمل هتعرفي لما يوصلوا أنا اشترتلك فستان حلو أوي لازم تلبسيه بالليل واشتريت كمان واحد لحياة ..
أسيل ماما ليه كل دا ..
أمل بفرحة الضيوف هيجوا يطلبوا إيدك ياعروسة ..
حياة لسه مبقتش عروسة يلا تعالي علشان اجهزك ..
بصتلهم أسيل بدون فهم طب لو أريان جه هتحصل مشكلة ..
رواية_عشق_ارسلان بقلم_حليمة_عدادي
الفصل 9
كانت أسيل واقفة قدام المرايه بعدما خلصت كل حاجة
حياة شكلك حلو أوي لو شافك أريان قاعدة بالجمال دا قدام حد غريب دا مش بعيد ېقتله ..
أسيل حياة أنا ھموت من الخۏف بسبب الموضوع دا وإنتي قاعدة بتهزري ..
حياة اهدي ياحبيبتي إنتي بس هتقعدي معاهم وبعدها ممكن ترفضي ..
أسيل نعمل ايه لو أريان جه هتحصل معركة دا هيقتل الراجل ..
حياة تمام مافيش بإيدينا حاجة نعملها هنستنى ..
أسيل ماما مش عايز تقول هو مين أنا خاېفة أريان يعمل حاجة يندم عليها أنا عارفه إنه مچنون ويعملها لو شافه هنا ..
حياة تمام اهدي ياأسيل أريان مش هيجي هو بس كان بيقول كدا عادي ..
قعدت حياة جنبها تحاول إنها تهديها ..
في غرفة أريان ارتدى بدلته وصفف شعره مسك عطره المفضل ووضع منه رن هاتفه نظر إلى المتصل وفتح الخط
أريان بفرحه أهلا ياصاحبي إزيك ..
صاحبه بخير إزيك إنت ..
أريان بخير أنا مبسوط أوي النهاردة ياريتك كنت هنا معايا علشان تشوف أنا فرحان أد إيه ..
صاحبه وإيه سبب الفرحة اللي باينه على صوتك دي ..
أريان النهاردة هطلب إيد البنت اللي بحبها استنيت اليوم دا كثير ..
صاحبه ألف مبروك ياحبيبي أنا آسفة مش هقدر أكون معاك في يوم زي دا ..
أريان أنا عارف ياحبيبي خلي بالك من نفسك هشوفك إمتا ...
صاحبه لما أكون عايز أشوفك هقولك... كنت عايزه منك خدمه ..
أريان أنا تحت أمرك ..
صاحبه عايزك تخلي عينيك على حياة ووقت ماإنت بتشتغل تخلي حد يراقبها مش عايز يحصلها حاجة ..
أريان متقلقش هي تحت حمايتي ..
صاحبه يلا متخليش عروستك تستنى مع السلامة ياصاحبي ..
قفل التلفون مع صاحبه وخرج لاقى أمه جهزت نفسها
أريان ماما كل حاجة جاهزه إيه رأيك فيا مافيش حاجه نقصاني ..
فريدة إيه الحلاوه دي ماشاءالله عليك ياحبيبي مافيش حاجة نقصاك هناخذ علبة الشوكولاته والورد والهدايا كل حاجة تحت في العربية يلا يابني هنتأخر ..
في بيت أسيل
أمل جهزت كل حاجة سمعت جرس الباب راحت تفتح كان أريان ووالدته
أمل بابتسامة أهلا بيكم نورتونا إتفضلوا ..
فريدة دا نورك ياحبيبتي ..
قعدوا في الصالون قدمتلهم أمل وحياة القهوة والكيك قعدوا يتكلموا سكتوا شوية بعدها اتكلمت أم أريان
فريدة أومال فين عروستنا الحلوه عايزين نشوفها ..
أمل حياة نادي على أسيل ..
حياة دخلت عند أسيل لاقتها سرحانه وبتفكر
حياة يلا ياأسيل كلهم برا مستنينك ..
أسيل مش عايزه أخرج حياة إعملي حاجة ..
حياة يلابينا مټخافيش مش هيحصل حاجه مسكت إيدها وخرجوا سوا ..
فريدة بابتسامة بسم الله ماشاءالله إيه الحلاوه دي تعالي اقعدي هنا جنبي ياحبيبتي ..
أريان طبعا إنتي عارفه إحنا جينا ليه النهاردة ياست أمل
أسيل اټصدمت لما سمعت صوته رفعت رأسها بسرعة شافته بيبصلها ويبتسم
أريان إحنا جينا علشان نطلب إيد بنتك الأنسة أسيل على سنه الله ورسوله ..
أمل بابتسامة أنا مش هلاقي
