الظلم ظلمات2

في صالة بيت علوان
خرجت فايزة من المطبخ و هي شايلة الشاي و قربت تقعد جنب علوان
فايزه الشاي يا سي علوان
علوان و بعدين يا فايزة... أنا كده حالي وقف
فايزة و لا وقع و لا حاجة... أنا عندي الحل
علوان و أيه هو الحل بقا يا أم العريف.
فايزه هما مش بيقولوا أن الجاموسة بتظهر للي بيساعد العيال و تفتح لهم باب السعد ...خلاص تبقى محلولة.
علوان هتعملي إيه
فايزه هتشوف.
تاني يوم قدام المدرسة
وقفت فايزه و أول ما شافت العيال خارجين من المدرسة جريت عليهم
فايزة معاذ ...مريم ...أزيكم يا حلوين...شوفتوا أنا بحبكم إزاي عشان كده جيت عشان أخدكم.

معاذ بس انا مش عايز أروح معاكي أنا عايز طنط سلوى فين طنط سلوى ماجتش ليه.
الناس بدأت تاخد بالها و تبص عليهم
فايزة ما تيلا ياواد انت و هي الناس بتتفرج علينا
معاذ و مريم لمحوا سلوى جت من بعيد سالوا فايزة و جريوا عليها
فايزة  بغيظ عشان تاخدهم أنا قولت يالا .
شدت العيال بقوة و ڠضب 
مريم أاااااه....الحقيني يا طنط سلوى
سلوى سبيبي العيال يا فايزة...مش عايزين يروحوا معاكي ... أوعي من طريقنا.
فايزة العيال دول في وصاية جوزي إلي هو عمهم و هاخدهم يعني هاخدهم.
فايزة شاورت للسواق فقرب بالعربيه و اخدوا العيال بالعافية.
قدام بيت علوان
كان قاعد على الكرسي بيشرب الشاي و بيفكر
دخل عليه التاجر
التاجر أنت قاعد هنا تشرب و تتمزج و لا همك إلي جرى
علوان حط رجل على رجل و قال ببرود و هو كان إيه إلي حصل كفى الله الشړ
التاجر البضاعة وقعت في الترعه و لحد دلوقتي مش عارفين ننشل العربيات من المية
علوان و أنا مالي
التاجر مالك إزاي... أنا بيتي اتخرب بسببك
وقف علوان و قال نعم يا حبيبي..بسببي أنا ليه إن شاء الله...ده قضاء و قدر...روح شوف إلي مشغلهم معاك مالهم ...تلاقي السواق كان لسه مصطبح.
التاجر سواق إيه ال السبب أنت إلي قدمك فقر.. أنا غلطان إني ماصدقتش كلام الناس و اتعاملت معاك.
علوان خاف و اتهز بس حاول يبان ثابت و
سألبقولك ايه أنا مش عايز رغي على الصبح..يالا وريني عرض كتافك...يالا يا حبيبي ما تتنحش.
علوان زق التاجر بإهانه فمشي و هو بيتوعد له.
في بيت فايزة و علوان
دخل علوان و هو مصدع و زاد صداعه و عصبيته و هو سامع صوت زن عيال
علوان فايزة.....فايزة إيه الدوشه دي.
خرجت فايزة من أوضتها دول إلي ما يتسموا ولاد اخوك
علوان طب أخرسيهم أنا مش طايق اسمع صوت حد
فايزة أمال أنا أقول إيه دول على كده من بدري.
زاد عيلط معاذ و مريم و اتحول لصړيخ
دخلهم علوان و هو مش شايف قدامه و معاذ من تيشرته.
علوان ما تتكتم يالا أنا مش ناقص زن.
معاذ عايز اروح عند خالو رشدي و طنط سلوى
علوان مافيش مرواح...تترزع هنا وما سمعش ليك صوت لا أنت و لا اختك بدل ما الله هعلقكم في السقف انتو سامعين.
العيال بصوا له بړعب و سكتوا و هو سابهم وخرج و ساعتها أنفجروا في العياط.
علوان دخل المكتب و نادى على صبيانه.
في مكتب علوان
.....علوان واد يا حمدان.. أنت يا هباب البرك.
جه حمدان جري افندم ..نعم يا بيه
علوان هو إيه الكلام الي بيقولوه التجار عني
حمدان أصل... ما هووو.
اتنطر علوان من على الكرسى و قالما تنطق يا بهيم أنت.
....حمدان الصراحه يا بيه التجار كلاتهم بداوا يتكلموا بيقولوا ان الشغل معاك واقف عليهم بخساره و ما فيش حد اشترى و لا باع منك الا و حصلت له مصېبه
....علوان