الظلم ظلمات2

من امتى الكلام ده و هو داير
....حمدان الكلام ده داير بقى اديله زمن يا بيه بس العامله بتاعه امبارح زودت الحكاوي اكتر خصوصا ان الجاموسه ظهرت قدام التاجر و شافها و بعدها بمافيش العربيه وقعت في الترعه و التجار بدأوا يربطوا الكلام اللي بيقولوه الناس عن الجاموسه دي باللي بيحصل معاهم
علوان ازاي يعني
حمدان يا بيه ما الناس بتقول ان الجاموسه دي منين ما تظهر لحد بيجي على العيال يحصل له مصېبه و منين ما تظهر لحد بيحاول يساعدهم ربنا بيكرمه من وسع و اديك شوفت اللي حصل مع الحج وهدان و ابنه ... ده القضيه اللي كانت لابساهاد لابساه
و بعد ما راح لهم بكسين فيهم شوية لبس و جبن و فاكهه إبنه طلع من القضية زي الشعره من العجينه ..
و لا الجزار إلي أتفتحت له طاقة القدر يا معلم ...بقى باشا من الاعيان خلاص ...عشان بس اخذ كم كيلو لحمه و راح اداهم للعيال و غيره و غيره و غيره
علوان طب أخفى... اخفى من قدامي.
في بيت علوان
فايزة دخلت الحمام تستحمى معاذ اتسحب و راح صحى أخته
معاذ مريم...مريم..اصحي 
مريم إيه في إيه...طنط الشريرة جت تاني و هتضربنا
معاذ لأ دخلت الحمام و مافيش حد يالا عشان نلحق نمشي من هنا.
قامت مريم مع اخوها بسرعه و اتسحبوا لحد الباب و خرجوا.
بعدها خرجت فايزة من الحمام لاقت الباب مفتوح و العيال فضلت تدور على العيال لحد ما اكتشفت انهم هربوا.
.....في بيت رشدي كانت سلوى قاعدة تعمل الأكل لاقت الباب بيخبط جامد.
.....حاضر يا اللي على الباب ايه الخبط والرزع ده هو انا يعني ساكنه جنب الباب ما تصبر شويه
عند الباب رايحه سلوى تفتح واټصدمت لما لقت فايزه هي اللي واقفه قدامها
خير لما جاب الغراب لامه جايه ليه يا غراب البين
فايزه 
.....الله الله الله الله الله الله ده احنا طلع لنا صوت وبقى لنا حس اهو يا سلوى...
....طول عمري يعني قويه واللي يحس يا فايزه ولا نسيتي علق زمان
فايزه
..... والله ولا انت اللي طلع لك حس بعد اللي عملتك اللي عملتيها
سلوى
..... ضړبني وبكا وسبقني واشتكى عملت ايه يا وليه اللي عملتها العمله دي ما حدش عاملها الا انت
احنا الحمد لله لا كلنا حق حد ولا جينا على حد انت وجوزك اللي واكلين مال يتامى اللي ياكل مال اليتيم ربنا يوريه عڈاب الدنيا والاخره
......بقول لك ايه هو انت هتاكليني بالكلمتين دول انا وانت عارفين كويس قوي انت عملت ايه بقى يا وليه ماشيه تتكلمي في البلد على جوزي خليتي الناس كلها تتكلم عليه وتقول قال ايه ان الشغل معاه بيجيب الفقر
طلعتي سمعه على جوزي وعلى تجارته وعايزه توقفي حاله بس ده بعدك
قسما بالله لخليك تجوعي انت وجوزك والعيال دول
مش كنت طمعانه في فلوسهم انا بقى هوريكي مش هتطولي جنيه واحد يا سلوى وانت اهو واما نشوف
......فايزه اقفي معوجه واتكلمي عدل انا ما اتكلمش على حد ولا جبت سيره حد هو سبحان الله ربنا بيخلص
وهو قاعد فوق سبع سماوات انا ما اتكلمش على جوزك وعلى فكره انت ما تقدريش تجوعيني انت خدتي انت وجوزك كل الفلوس وكل الورق وسبتوا لنا العايلين من غير هدمه حتى
ومع ذلك ما جعناش انتى اللي هتجوع يا فايزه انت وجوزك وبكره تيجي تتذلليني وافكرك بالكلام ده
فايزه 
......حلو قوي الكلام ده يا سلوى خليكي فاكراها بقى عشان لما تيجي عند بيتي تتذلي لي وتركعي على رجلي