حكايتي
في إيه يا هناء أنتي مكبرة الموضوع قوي كده ليه براحه و بعدين إلي يسمعك يقول إن سارة مش ماشية مع مي بنتك سنه بسنة و أنهم ثانوية عامة زي بعض.
سارة هي فين مي صحيح يا خالتو.
ناديه يمكن نايمة
وقفت ساره. أنا هروح اصحيها تخرج معانا.
وقفت هناء بسرعه قعدت ساره بطريقة متعجرفه و قالت اقعدي أنتي يا ساره .. مي عندها مذاكره و ممنوع حد يدخل عندها .
بصت نادية لبنتها و قاموا و قالت نادية مالوش لزوم إحنا كنا جايين نقول لمي اننا رايحين النادي يمكن تحب تيجي معانا و لا حاجة.
هناء لا طبعا نادي إيه.. عايزة تروحي أنتي و بنتك روحي مالكوش دعوى بمي .
ناديه زعلت من طريقة اختها و اخذت بنتها و مشيوا.
قعدت العيلة تتغدى صلاح و هناء و مي.
هناء بصت لمي و قالت مش كفايه اكل لحد كده.
صلاح في ايه يا هناء ما تسيبي البنت تاكل.
هناء اكلت قطعتين بانيه و بقى لها ربع ساعه بتاكل فيهم.... ده القطعه الواحده ما تاخدش ثلاث دقايق.
صلاح انتي مش طبيعيه بجد...هو انتي كمان هتعدي على البنت الدقايق اللي هتاكل فيها الاكل انتي ازاي كده
صلاح اقعدي يا مي كملي اكلك
هناء هو ايه اللي تقعد انا قلت تقوم تشوف مذكرتها يبقى تقوم تشوف مذاكرتها... بعدين تبقى تكمل أكل و لا انا هبقى اعمل لها سندوتشات و ادخلها لها الاوضه..... يالا قومي اتحركي.
مشيت مي لأوضتها و صلاح بقى مش طايق نفسه.
برا باب الشقه.
خرجت هناء تطلع كيس الزباله بره .
شافت ناديه و كانت هي كمان بتطلع زبالتها بصت لها ناديه بزعل.
فقالت هناء ايه ده انت زعلانه مني و لا ايه مالك بتبص لي كده
ناديه لا يا ستي
