حبيبتي الكفيفة

قادره اتخيل ان البنت خلاص مستقبلها أتدمر و ما عدتش هتشوف ثاني قلبي واجعني قوي يا شوقي
شوقي استهدي بالله يا سناء .. ربنا كبير.. ان شاء الله خير
سناء انا كل اللي انا شايله هامه دلوقتي هنجيب لها موضوع الزفت اللي اسمه مصطفى ده ازاي ...دي كل شويه عماله تسال عنه.
شوقي ما تجيبيليش سيره الزفت ده ثاني.. و لا اقول لك انا لما اروح هحكي لها كل حاجه... هي لازم تعرف بقى و تتصدم مره واحده و تنسى و خلاص... احنا ورانا حاجه اهم ... صحتها و عينيها اهم من كل حاجه يا سناء
سناء بس يا اخويا انا اخاڤ عليها لا..
قاطعها شوقي و قال بعصبية سناء خلص الكلام في الموضوع ده... هي لازم تعرف الحقيقه و تعرف كل حاجه
وصل شوقي و سناء البيت و دخلوا عند ساره على طول .
في اوضه ساره
سارة ها يا بابا... ها يا ماما.. الدكتور قال لكم ايه
سناء خير يا حبيبتي ان شاء الله دكتوره قال لنا ان في امل و احنا هنفضل وراه بس انتب محتاجه تتحسني شويه عشان هتدخلي عمليه جديده بسيطه ان شاء الله
ساره بسيطه ازاي يا ماما. انا حاسه ان انا متدمره.. و شكلي بقى وحش و إيه كميه الشاش اللي فوق دماغي دي.
سناء ما تقوليش كده .. أنتي زي القمر و هتفضلي طول عمرك قمر.
سناء طب هو فين مصطفى برده ...لسه ما جاش و لا حتى فكر يتصل بيا بالتليفون
سناء ما هو اصله...
سكتها شوقي و قال لها اطلعي انتي بره يا سناء دلوقتي
سناء يا اخويا استهدى بالله بس بالهداوه كده واحده واحده
شوقي قلت لك اطلعي بره يا سناء
ساره هو في ايه يا بابا ...في ايه يا ماما
شوقي في ان خطيبك لا جيه و لا سأل... ما جاش في المستشفى الا كم دقيقه و بعدها ما حدش شافه و ما اتصلش و لا افكر يجي مع ان بلكونتك قصاد بلكونته
سارة يعني ايه الكلام ده يا بابا
شوقي معناه اللي انتي فهمتيه يا قلب بابا.. بصي يا بنتي انا عايزك دلوقتي تنسي كل حاجه و ما تفكريش غير في مصلحتك و في نفسك و بعدها لكل حدث حديثي ان شاء الله.
سارة حالتها كانت متدمره نفسيا من ساعه ما سمعت الكلام ده من ابوها .
كان نفسها مصطفى يثبت براءه و يجي او يتصل حتى بيها بالتليفون مجرد مكالمه لكن ما حصلش .
و في يوم من الايام كانوا قاعدين و لقوا التليفون بيرن
شوقي الو ايوه مين
ابراهيم انا ابراهيم جاد الله.. معد برنامج الاستاذه خيريه حسني ... حضرتك والد ساره شوقي
شوقي ايوه انا يا ابني اؤمر
ابراهيم الاستاذه سمعت بقصه ساره و حابه انها تيجي تسجل معاها حلقه و برده عشان نسلط الضوء و الراي العام على قصتها ...انا شايف انها تستاهل ان الناس تعرفها .. إيه راي حضرتك
شوقي و ماله يا ابني ما عنديش مشكله تنورونا في اي وقت
ابراهيم اتفق مع شوقي على ميعاد و بعد يومين كانوا في بيت ساره
في اوضه الضيوف.
قعدت ساره و قدامها المذيعه
خيريه احكي لي يا ساره ايه اللي حصل معاكي و ازاي وصلتي للي انت فيه دلوقتي
ساره بصت لخيريه و بدأت تفتكر كل اللي حصل قبل كده
فلاش باااااااااااك