غدر الزمان

سماح
سماح نعم ...خير 
حسين في ايه يا بنتي مالك بتكلميني كده ليه هو مش كفايه عليا اللي انا فيه و مالك طول النهار عمال تتخانقي و تزعقي مع العيال
سماح حسين بقول لك ايه انا على اخر قسما بالله قول انت كنت بتنادي عايز ايه و خلاص
حسين هكون عايز ايه يعني سماح عايزك تستنديني عشان ادخل انام جوه
سماح عشان تدخل تنام جوه فين يا حبيبي انت هتفضل نايم هنا كده في الصاله.
حسين في الصاله .... في الصاله يا سماح هو ده مكان انا عايز اعرف انام و أرتاح عشان ظهري و رجلي مش معقول كده.
سماح و انا مش معقول هفضل اشيلك و احط فيك و كل شويه ادخلك و اخرجك من الاوضه انا مش حمل الكلام ده .... خليك قاعد مكانك كده حتى اللي ييجي يزورك يلاقيك في الصاله مش هنفضل داخلين خارجين انا مش قادره على الكلام ده
حسين يا بنتي الجو ساقعه و الصاله برد و كمان الكنبه مش مريحه
سماح أهو ده اللي عندي و بقول لك ايه انا مش عايزه كلام كثير سيبني ادخل انام كفايه عليا اللي انا فيه
سماح سابته و دخلت جوه و هو حرفيا كان مصډوم فيها و حاسسها متغيره جدا من ساعة ما رجعوا من بره مش عارف فيها ايه
في اوضة نوم سماح
كانت نايمه على السرير في سابع نومه صحيت على صوت حسين و هو بيتوجع .
حسين ااااه سماح الحقيني.. الحقيني
صحيت من النوم مفزوعه لقيته عندها في الاوضه و هو واقف بصعوبه قالت له ايه ده في ايه و ازاي جيت من بره لحد هنا
حسين أعمل ايه و لا هقول ايه... ما انت سايباني مرمي بره في الصاله و نايمه انتي هنا ....كنت محتاج ادخل الحمام و مش لاقي حد يسندني يا هانم.. فضلت انادي عليكي و أنتي و لا انتي هنا
قامت سماح من على السرير و قالت عايزني اعمل لك ايه يعني ما انا كمان محتاجع انام
حسين تعملي الي اي واحده في وضعك ده تعمله.... المفروض تنام جنب جوزها عشان كل ما يحتاجها يلاقيها ... بجد انا مصډوم فيكي و في تصرفاتك قومي سنديني دخليني الحمام يلا بسرعه
سماح اوف استغفر الله العظيم يا رب اتفضل يلا يا سيدي لما اشوف اخرتها ايه
في الحمام .
حاولت سماح أنها تسند حسين بس هو كانش قادر خالص و فضل ېصرخ ااااااه رجلي 
.. رجلي مش قادر .. شوفتي حصل فيها ايه لما قمت و حملت على نفسي
سماح ما خلصنا بقى قلت لك كنت نايمه ايه هي قصه
حسين لا لا مش قادر مش قادر اتصلي لي بالدكتور حالا خليه يجي لي هنا
سماح اتصل بمين انا عندي شغل اوعى كده خلص خليني انزل على شغلي
حسين شغل إيه اللي بتتكلمي فيه ...بقول لك رجلي ھموت اتصلي بالدكتور
سماح دكتور ايه اللي اطلبه لك انت عارف مجية الدكتور لحد هنا بس هتتكلف كام ده غير ثمن الكشف و انا عندي شغل لازم اروح بدل ما يتخصم لي ما هو مش هيبقى مۏت و خړاب ديار ... أوعى من سكتي... مش هنبقى احنا الاثنين يعني
و سابت حسين في الحمام و خرجت عشان تلبس و حسين بينادي عليها سماح.. تعالي سانديني خرجيني بره.... معناها ايه كلامك ده ... تعالي هنا كلميني
سماح سند نفسك و أطلع انا متاخره زي ما قلت لك
سماح جمدت قلبها و غيرت هدومها و خرجت نزلت راحت شغلها وسابت حسين مرمي في البيت
في الصاله عند حسين
اتصل بالدكتور و بعد نص ساعه جاله
دكتور فكري قول لي حاسس بايه يا باشمهندس
حسين ڼار.... ڼار في رجلي يا دكتور و مش قادر أحركها
دكتور فكري ما هو اصلا المفروض ما تتحركهاش يا باشمهندس انا من الاساس قولت للمدام انك ما ينفعش تخرج من المستشفى لازم تقعد لك فيها يومين ثلاثه على الاقل لانك عامل عمليه خطيره لكن هي صممت انك تخرج و كتبت تعهد على نفسها ان هي اللي مسؤوله و ان انت موافق
حسين بجد سماح عملت كده دي قالت لي ان الدكتور قال ان ما فيش حاجه و