أخرة الصبر

ما قولناش حاجه و نعم بالله بس ربنا برده خلق الطب و الدوا ... يبقى نروح نكشف و نشوف في ايه و لا ايه يا ماهر يا حبيبي
....ماهر و ليلى بصوا لبعض و سكتوا .
.....في شقه ماهر و ليلى
......ماهر ما تزعلش يا حبيبتي من كلام ماما .. إنتي عارفه ان انا ابنها الوحيد و هي خاېفه عليا .
.....ليلى لا يا حبيبي مش زعلانه و مامتك هي مامتي بالظبط و بعدين انا شايفه ان هي عندها حق... فعلا ربنا خلق الطب و الدوا ما نروح و نكشف و ناخد بالاسباب يا سيدي فيها ايه يعني
........ماهر انا بجد مبسوط بيكي قوي يا ليلى.. اي واحده غيرك سمعت الكلام ده من حماتها كانت أتضايقت.... لكن انتي بسم الله ما شاء الله عليكي... أقول لك انا هحجز بكره عند اشطر دكتور في مصر نروح نكشف عنده و نشوف الحكايه
بعد كشوفات كتير و تحاليل .
في عيادة الدكتور
قعد ماهر و ليلى قدام الدكتور و قال له
....ماهر ها يا دكتور طمني ايه الاخبار ..مش خير ان شاء الله
.....الدكتور و الله يا استاذ ماهر كان بودي ان انا اطمنك بس للاسف كل التحاليل بتقول ان الموضوع صعب .. لأ ده هو مستحيل
.....ماهر بص لليلي و هو قلقان و شايف و قال له ليه بس يا دكتور ..يعني المشكله فين عندها يعني
......الدكتور لا يا استاذ ماهر المشكله عند حضرتك... المدام سليمه و زي الفل ... تقدر تخلف في اي وقت... لكن حضرتك تقريبا الوضع عندك كارثي.. للاسف حضرتك مستحيل انك تخلف
......ماهر إيه الكلام اللي بتقوله ده يا دكتور ...دول بيقولوا يعني الطب اتقدم ... أكيد في حل ...في ادويه في علاجات في عمليات ... أي حاجه انا ممكن اعملها بس أخلف
......الدكتور شوف يا استاذ ماهر انا هجيب لك من الاخر .. الطب أتقدم و كل حاجه بس في حالات لسه واقفين عندها... ربنا قادر على كل شيء لكن غير كده هبقى بضحك عليك و أي مكان هيقول لك كلام غير اللي انا بقوله هيبقى بيستنزفك و بياخد منك فلوس و خلاص
......طلع ماهر و ليلى من عند الدكتور و هما مصډومين صدمة عمرهم كانو مش مصدقين ان كل ده بيحصل
في عربيه ماهر.
..... كان بيسوق و هو ساكت و مصډوم و الدموع في عينيه صعب على ليلى جدا و قالت له و لا يهمك يا حبيبي عادي يعني فيها ايه مش مهم اطفال أصلا.. أنت عندي بالدنيا.
.....ماهر ايه الكلام اللي بتقوليه ده بس يا ليلى ...ما فيش حاجه تغني عن الاطفال ابدا ... إنتي إيه يجبرك تربطي نفسك بواحد عاجز زيي و تفضلي طول عمرك محرومه من احساس الأمومه.. ده غريزه عند كل بنت .
......ليلى و أنا أجيب منين حد أحبه زيك يا ماهر و لا يبقى حنين عليا زيك .. أنت عندي بالدنيا و الله .. مش عايزه اطفال أنت أبني الكبير
بص لها ماهر و سكت ما كنش عنده رد أصلا.
وصلوا البيت و تفيدة قابلتهم عند الباب على السلم.
.....تفيده هااا ... طمنوني ايه اللي حصل ... انا قلبي مش مطمن من ساعة ما الدكتور طلب منكم اشعه و تحاليل
ليلى بصت على ماهر و كان ساكت خالص و عينه حمرا و مرغرغه بالدموع.... حست انه مكسور و حزين و قررت انها ترحمه .
.....بصت هي لحماتها و قالت احنا كنا عند الدكتور