أخرة الصبر

و هو قال ان انا عندي شويه مشاكل كده في الحمل و محتاجين نعالجها
ماهر بصلها و هو مصډوم .. اتفاجئ من كلامها .
......و تفيده ضړبت على صدرها و قالت يا لهوي... مشاكل مشاكل إيه يا حبيبتي و نعالجها و العلاج ده بقى ان شاء الله هياخد وقت قد ايه
.....ليلى ان شاء الله يا طنط خير بعد اذنك بس هنطلع عشان ماهر تعبان و محتاج يرتاح يلا يا ماهر تعالى معايا
.....ليلى شدت ماهر و هو كان بيبص لها و هو بيشكرها مش عارف يقول لها ايه
و عدت على كده أيام كتير و تفيده كل يوم تسأل .
.....كانت ليلى واقفه بتكنس السلم و حماتها سامعه صوت زغاريد جاي من بره طلعت فتحت باب الشقه وقفت تسأل الجيران و تشوف في أيه... بعد شويه دخلت و شافت ليلى و هي بتكنس .
......تفيده سامعة يا حبيبتي الزغاريط دي جايه من عند البيت اللي جنبنا ... العروسه دي داخله يا دوب من شهرين و أهم بيزغلطوا دلوقتي عشان حامل ما شاء الله
......ليلى ما شاء الله يا طنط.. ربنا يقومها بالسلامه ان شاء الله
......تفيده عقبال يا رب ما تتلحلحي انتي كمان كده و أشوف بطنك قدامك و افرح بيكوا
......ليلى حزنت و قالت إن شاء الله يا طنط دعواتك
.......تفيده يا رب يا حبيبتي بس الدعوه لوحدها مش كفايه .. انا بقول يعني لو نتلحلح كده و نتحرك و نروح للدكاتره نشوف ايه الحكايه
و لو انتي بقى مش قادره و عندك مشاكل انا اشوف لابني عروسه... معلش بقى يعني ده ابن الوحيد و منى عيني أشوف ذريته .
ليلى ما قدرتش تستحمل الكلام و رمت المقشه من أيدها على السلم و دخلت
في شقه ماهر و ليلى.
...... كان ماهر خارج من الحمام ... رمى الفوطه على الكنبه و قال لها في ايه يا ليلى مالك كده
......ليلى قفلت الباب جامد و قالت له انا ما بقتش خلاص مستحمله كل يوم و الثاني أسمع كلام من أمك يسم البدن أعمل ايه يعني بس ماعلش ما هو الحق عليا ان انا قلت ان العيب مني
......ماهر أستغفر الله العظيم يا رب.. لأ انتي كتر خيرك... بصي احنا نروح عند الدكتور و نشوف حكايه عمليات الحقن المجهري دي بيقولوا ربنا بيكرم يعني و بتنجح
......ليلى حقن مجهري ايه يا ماهر ده احنا ممشيين البيت بالعافيه و احنا اثنين هنروح نعمل حقن مجهري
.....ماهر ما تقلقيش انا كنت شايل فلوس على جنب ناخدها و نعمل العملية بيها.. ما هو ده الحل الوحيد يعني هنعمل ايه
سكتت ليلى و لقيت ما قدامهاش حل غير كده و ماهر بدأ يدور في الموضوع و يشوف مستشفيات
كان نازل هو و ليلى على السلم .
.......رايحين يعملوا العمليه قابلتهم تفيده على السلم و قالت على فين ان شاء الله هو انت صحيح يا ماهر خلاص ناوي تعمل اللي في دماغك ده
.....ماهر ايوه يا امي يعني انتي شايفه في حل تاني غيره
.......تفيده ايوه في طبعا يا حبيبي و في كتير كمان.. انت صاخ سليم و تقدر تخلف و الشرع محل اربعه و أظن يعني يا ليلى ما فيش سبب اهم من الخلفه يخلي الراجل يتجوز و لا انتي ايه رايك يا حبيبتي
......ماهر و ليلى بصوا لبعض و ليلى كانت الدموع في عينيها نفسها تصرخ و تقول لها ان العيب مش منها فماهر
قال بسرعه خلاص يا أمي