عدنان2
الي احضانها وهي تقول بفرحه ايوه أكده يا زينه الرجال سمعت نصيحه امك و عميلت بيها ربنا يفرحني بيكم عن أجريب يا ولدي و أشيل عوضكم يااااارب
امن علي دعاءها من كل قلبه
ثم بعد فتره امر الطبيب ان يغادر فقد مر الوقت المطلوب
ثم امر هارون ان ياخذ عبدالله و حسن الي الاسفل بعيدا عن تجمع العائله ليقص عليهم كل ما حدث لانه يعرف اخيه جيدا لن يهدأ حتي يعرف كل شىء
نظرت لها بتساؤل فاكملت مش راجلك راجد في فرشته وانتي واجب عليكي تجعدي جاره تاخدي بالك منيه و توكليه بيدك
فهمت ما تقصده و هزت راسها علامه الموافقه
بعد خروج الرجال دخل الجميع اليه واسرعهم حنانامام الجميع دون خجل ولكنه ابعدها برفق حتي لا يحرجها امام الجميع
ردت بهيه بغيظ خبر ايه عاد واحده و جلجانه علي راجلها كفرت يعني
كادت ان ترد عليها ولكن منعها عدنان قائلا خلااااص بجي اني مفايجش لرط الحريم ديه
تهافت عليه الجميع للاطمانان عليه مع بكاء اختاه مني و شيماء ولكنه احتضنهم برفق مطمأنا اياهم انه بخير
عدنان بعد الشړ عنيك يا عريس
جميل لاااه يا بيه والله ما يوحصل ابدا اني هأجل الفرح لحدت ماتجوملنا بالسلامه
عدنان بامتنان اصيل يا واد بس مهينفعش تأجله ديه مفضلش غير خمس ايام بلاش تكسر بفرحه عروستك
سعيده وااااه يا ولدي هنفرحو كيف من غيرك و بتي موافجه و بنفس راضيه كماني دانت خيرك علينا و دي اجل حاجه نجدر نعملهالك
خجل العاملين ولم يستطيعو الرد و لكن عدنان انقذهم من هذا الموقف حينما قال مررررت عمي ملوش عازه الحديت ديه و خلي فبالك يوم ما هتفكري تنطجي بكلمه عليهم جدام جد اني الي هجفلك
نعمات هدي حالك يا ولدي الزعل عفش عليك
ثم وجهت حديثها للجميع قائله يلا يا جماعه متواخذونيش ادينا اطمني عليه تعلو نطلع و نهملو يرتاح أشوي الي شافه مش اجليل بردك
عدنان لاه معايزش حاجه دلوك اني هنعس أشوي لما اجوم ابجي اكل
نظرت له بغيظ و خرجت مع الجميع
لاحظ عدنان وقوف ابن عمه و ملامحه
تنضخ بالحزن ولكنه لم يقترب منه ولم يتفوه بحرف و كاد ان يذهب مع الجميع الا ان اوقفه نداءه عليه قائلا تعالي يا بلال رايدك في كلمتين اجفل الباب وراهم و تعالي جاري
عدنان بحنان من جلبك صوح يا واد عمي يعني تهمك سلامتي
بلال اجسم بالله ربنا يعلم غلاوتك عندي بس ااااا
سكت ونظر للاسفل
عدنان بس خاېف تجرب منينا لجل خاطر ابوك مش اكده
دمعت عين بلال وهو يقول اني مش عفش كيف مانتو فاكرين يا واد عمي بس اني بعمل الي بعمله لجل ماهرب من ابوي مش رايد امشي وياه في طريجه الشين ديه اهون عليا تجوله عليا خامورجي و داير وري الغوازي احسن ما يغرزني وياه في الوحل و كماني ااااا
نظر له بتشجيع ليكمل فهو يعرفه جيدا وكان يصتبر عليه حتي يفيق من الطلام الدامس الذي احاط حاله به و اذ لم يكن بارادته سيكون بالاجبار لانه بداخله خير و يجب ان نأخذ بيده
اكمل بلال بخزي و كماني مارايدش اوجف جصادك انت و حسن و عبدالله ربي يعلم غلاوتكم عندي و كان نفسي ابجي زيكم و امشي علي خطاكم بس .....
عدنان بفرحه وهو يسحبه من يده حتي اقترب منه فضمھ تحت زراعه قائلا كت مستنيك من زمان يا واد عمي و متأكد انك هتاجي كنت بشوف طلتك علينا من بعيد و انت نفسك تبجي ويانه كان نفسي اتحدت وياك من زمان بس جولت اصبر عليك أشوي ولو ماكونتش جيت بمذاجك كنت هاجيبك ڠصب عنيك عشان انت جواتك خير و تستاهل امدلك يدي
بكي بلال دون ان يتفوه
اكمل عدنان اني هساعدك يا واد عمي من غير ما حدي يحس بينا لجل ما تتخلص مالمدعوج الي اتملك من جتتك دي و بعديها لما تلاجي حالك بجيت راجل زين متحكم في عجلك من غير ولا خمره ولا مخډرات وجتيها انت الي هتختار رايد تبجي ويا مين
ابتعد بلال وقال بفرحه من بين دموعه صوح ياخوي هتساعدني
عدنان ايوه ياخوي انت فعلا اخوي يا واد واني مههملش خواتي يضيعو هساعدك و هترجع احسن مالاول بس لازما تبجي جوي و تتحمل الطريج واعر ياخوي و هتتعب
بلال بتصميم هتحمل والله هتحمل اي حاجه بس ساعدني ياخوي
ارتمي علي كتفه و بكي پقهر
عدنان بحزن ربت علي ظهره وقال بتصميم هساعدك ياخوي هساعدك
بداخل القاعه المخصصه لفض المنازعات الملاصقه للسرايا
كان يجلس هارون مع حسن و عبدالله بعد ان اغلقو الباب عليهم جيدا
و بدأ في قص ما حدث قائلا انتم خابرين ان احنا كلت السنين الي فاتت كنا بنرجدلهم لحد ما ياجي الوجت الي ناخد فيه بطارنا منيهم
و عدنان كان بيجر رجليهم و يعمي عنيهم بالمكسب الكتير لجل ما ياخد الامان منيهم
حسن بنفاذ صبر كلت ديه عارفينه ادخل فالي حوصل طوالي
هارون براحه ياخوي المهم من حوالي شهرين جابل الظابط معتز انت عارف انهم صحاب من وجت ما بته كانت مخطوفه من تجار مخډرات و عدنان الي جدر يرجعهاله
اتفج معاه انه هيسلمه كل شحنات السلاح الي هتدخل جنا و اتفجو علي شويه تفاصيل لجل ما يجدرو يقبضو علي فهمي متلبس
و طبعا انت واعي انه مهيطلعش اي عمليه
عدنان بجي خلاه يطمع في العمليه الاخيره و عشان هو فاهم دماغ عمك زين فضل يعانده لجل ما عمك
يشبط في العمليه كيف العيال الصغيره
و اهو كل الي رتبناله تم
بلغ معتز بالمعاد والمكان واتفج معاه كماني يجبض علي مين و يسيب مين
عبدالله ماهو هيشيلها لرجالته يا ناصح
هارون عارفين و متوكدين انه هيعمل اكده و معتز مهيدججش في الموضوع ديه المهم عنديه الكميه الي اتمسكت وانه جبض علي ناس متلبس
و كماني عدنان الي جتل محمدين مش اني
حسن كيف يعني
هارون عشان هو العجل الي بيفكر و يخطط لعمك فجولنا نخلوص منيه لجل ما يبجي لحاله وهو غبي مهيعرفش يعمل حاجه فوجعته هتبجي ساهله
عبدالله امال ايه الډم الي كان مغرجه ديه
ضحك هارون وقال لا ديه مش ډم دي صلصه طماطم هو اصلا و احنا بنجري اخد من تبعنا كانت مرميه عالارض وخلي معتز ينشن عليه بحيث يتصاب بختش بسيط لزوم يعني انه يكون فيه علامه فدراعه
حسن بغيظ منك لله يا ولد المحروج انت وهو ايه ديه دماغ ابالسه
هارون امال لو تعرف اخوك عمل ايه مع مهدي
نظرو له بتساؤل فقال اول ما وصلنا عرفه في وسط الحديت يعني ان فهمي هو المسؤول عن تامين العمليه دي وان هو مالوش صالح بيها عشان اكده حضر بنفسه لاول مره لجل ما يبجي مطمن عالشغل
وبعد الحكومه ما طبت اخد بيد مهدي و جري بيه وهربه في عربيه تباعنه مع وهدان
حسن كماااااني وليه يعمل اكده
هارون ..........
لماذا فعل عدنان كل هذا يا تري
سنري
انتظروووووووني
الفصل 13
كانت جميع النساء تلتف حول الخاله حسنه يحاولو تهدئتها بعد ان اوصلها وهدان الي السرايا ولكن قبلها قد اخذها الي الدكتور مجدي ليداوي چرح راسها و قد قام بخياطته التي اخذت خمس تقطيبات اعلي جبينها وقد تأثر كثيرا بمظهرها الباكي ولا يعرف لما اراد ان يعرف ما قصتها فهي برغم حزنها الظاهر عليها الا انها تبدو امرءه جميله و ذات خلق و مع ان هم الدنيا واضح في عينيها لم يذدها الا بهاءا ولكنه تراجع في اللحظه الاخيره و انهي عمله ثم دون لها اسماء بعض المسكنات التي بالتاكيد سوف تحتاجها
نعمات اهدي يا بت عمي اكيد عدنان هيلحجها ان شاء الله
حسنه پبكاء مرير خاېفه يكون الجطر طلع بيها وجتها مهيكونش بيده حاجه يعملها
فوزيه بغل لااااه مټخافيش عدنان بيه ولدي مهيهملهاش تطلع مالبلد حتي لو هيحرج المحطه بالي فيها
بس الي انا مستغرباله هو الحزين ديه كيف دخل السرايا و ولدي منبه عالغفر انه ميعتبهاشي واصل
اړتعبت حنان وامها من ذلك السؤال و ذاد ارتعابهم اكثر حين سألت شيماء عندك حج ياما لا و كماني الحريجه الي مسكت في الجنينه الغربيه مع اني محدش هايروح نواحيها واصل غير لو كان حدانا جعده صلح ثم الټفت لاختها الباكيه لتحاول تهدأتها قائله أهدي يا خيتي ان شاء الله هترجع ادعيلها بدال البكي الي ممنوش فايده ديه
قطع استرسالها في الحديث رنين هاتف بهيه و حينما عرفت هويه المتصل اصفر وجهها و قامت سريعا متجهه للخارج لتستطيع التحدث بعيدا عنهم
مما جعلهم ينظرون اليها بشك
بهيه بتتصل ليه يا ولد المحروج انت وليه مرجعتش لحد دلوك
السائق بړعب ارجع فين انتي عيزاني ابات في جبري الليله ولايه
بهيه بتوجس ليه
السائق بعد ما ركبتهم الجطر زي ما امرتي استنيت هبابه لحدت ما طلع مالمحطه خالص و اختفي من جدامي اطمنت انه خلاص أكده الحكايه خلصت طلعت طلعت طوالي ولسه هركب العربيه لجيت عدنان بيه جاي بحصانه زي الرهوان ووراه بشوي عربيات مليانه رجاله بسلاح
اتسحبت و جولت اراجبهم من بعيد لجيته دخل بحصانه و...
قص عليها كل ما فعله عدنان من اول دخوله المحطه بفرسه و اجبار القطار علي الوقوف بعد مغادرته متجها الي القاهره الي ان رأه ياخذ مريم علي حصانه و رحيل رجاله و هم مكبلين ابيها ثم ادخلوه احدي السيارات و انطلقو سريعا
بهيه بړعب يااااامري يا خړاب بيتك يا بهيه
السائق انتي هتندبي امال اني اعمل ايه ديه لو طالني هيجطعني جطيع
بهيه اوعاك تاجي يا حزين اتاوه في اي حته علي ما ادبرلك جرشينات تاخدهم و تهمل البلد نوهائي
السائق پخوف متعوجيش علي الله يخليكي انتي خبراه زين مهيهداش غير لما يعفجني و ساعتها مهيرحمنيش غير لو جولت الحجيجه
بهيه خابره الي هتجوله ديه زين متجلجش اني ساعه بالكتير هكون بعتالك
