غدر الزمان

ايه اللي شايل عيون البوتاجاز يا عمر .. عمر عيون البوتاجاز فين يا عمر. .. عمر انت روحت فين
صعبت عليه نفسه قوي و كان خلاص هيعيط دخل اوضه ابنه عشان يسأله عمر مين شال عيونه البوتاجاز
عمر مش عارف يا بابا يمكن تكون ماما
حسين شاف حاجه مرميه على الارض بس كده و وطى يجيبها و قال عمر هي مش دي الورق و الاكياس اللي كان متلف فيها السندوتشات و انت بتقول ما تعرفش مين اخذها
عمر أاا.. ماااا ... أصل... ماهو.. ما هو يا بابا اصل..
حسين انت بتخبي مني الاكل يا عمر ما بتفكرش غير في نفسك.. هقول ايه ما انا دايما كنت سايبك لامك هي اللي تربيك و اخذت صفاتها
خرج حسين و هو متضايق جدا و زعلان لاقى سماح راجعه من بره
في الصاله
حسين كنتي فين لحد دلوقتي
سماح و انت مالك ملكش الحق انك تسالني
حسين اټجنن من كلامها و قال لها انتي اټجننتي ازاي تكلمي جوزك بالطريقه دي ... أنا ليا الحق أسألك رايحه فين و جايه منين و اعرف خط سيرك انتي عبيطه و لا ايه
سماح لا يا حبيبي انا اعمل اللي انا عايزاه بتاع ايه يعني انك تعرف
حسين انت ناسي ان انا راجل البيت و لا ايه
سماح راجل البيت ده يا حبيبي اللي يبقى عارف يصرف عليه و يجيب كل طلباته مش زيك
حسين انت بتعايريني يا سماح ده انا طول عمري جايب لك كل حاجه و طول عمري بديكي من غير حساب و فلوسي كلها كنت بحطها في ايدك و بعدين تعالي هنا... انتي شايله عيون البوتاجاز من جوه انا ما عرفتش اعمل حتى كوبايه شاي
سماح ايوه طبعا شلتها امال عايزني اسيبك تستهلكها... انا اللي جايبه البوتاجاز ده في جهازي و الغاز انا اللي بدفعه مش قتا محلوله هي
حسين الحاجه دي في بيتي يعني بتاعتي انت بتتكلمي ازاي
سماح بيتك ده يا حبيبي لما تصرف عليه سامعني و فاهمني و لا افهمك اكتر
سكت حسين و كان حاسس انه اتكسر جدا قدامها و هي دخلت الاوضه و هو لاول مره في حياته يقعد يعيط
كلامها ضايقه جدا نزل من البيت و هو تعبان
راح لامه و استلف منها فلوس و جاب كل خزين البيت و حاطه هناك
في المطبخ.
كانت واقفه لقيته داخل عليها باكياس كثير
رماهم لها على الترابيزه و قال لها خدي يمكن تشبعي
سماح فرحك جدا و عينيها لمعت و قالت له الله الله ايه كل الحاجات دي ما شاء الله جبت الفلوس منين يا حسين
حسين ملكيش فيه انتي ليك انك تاخدي اللي انت عايزاه و تسكتي
قالت له برود صح عندك حق انا ما ليش فيه اعمل اللي تعمله المهم تجيب لنا كل خزن البيت و كل طلباتنا ومصاريفنا
خرج من جيبه فلوس و رماهم لها في وشها و قال لها خدي مش عايزه اسمع لك صوت ثاني و بعد كده تتلمي و تتعدلي في كلامك معايا
سماح ما همهاش و كانت بارده جدا و ما زعلتش من كلامه
و عدى شهور
و في يوم نزلت سماح عشان تروح الشغل
في الشارع اللي هم ساكنين فيه لقت هويدا خارجه من بيتها
سماح هويدا أستني عندك يا هويدا انا بنادي عليكي... عيب اللي بتعمليه ده ... بتجريني وراكي في الشارع
وقفت هويدا و قالت لها عايزه ايه يا سماح خير
سماح ايه هو ده هتقطع يعني معايا و لا ايه ده احنا طول عمرنا عشره يعني ما كانتش كلمه قلتها لك
هويدا لأ يا سماح هي مش كلمه ده طبع فيكي
كانت سماح لسه هترد عليها لكن لاقت صاحب السوبر ماركت خارج لها من جوه بينادي عليها .
عم خيري يا مدام سماح ..يا مدام
سماح نعم يا عم خيري خير ان شاء الله
خيري خير يا ست الكل الباشمهندس حسين كان سحب من عندنا كميه بقاله بقى له فتره و ما ما دفعش ثمنها بصراحه عدى كثير قوي و قولت انا لازم اطلبها منه.
سماح ايه ده و انت ليه توقفني في الشارع وتحرجني قدام الناس ما تروح له هو و تقول له
هويدا ايه يا سماح ده ما انت