غدر الزمان

عشان ما تدفعيش يومين
زياده للمستشفى و أول ما عرفتي انه تعب و مش هيعرف ينزل شغله طبيعي زي الاول كان المفروض تتصرفي انتي لحد ما الراجل يلاقي له صرفه في اللي هو فيه ما هو طول عمره خيره عليكي
جابت سماحه هدومها رمتها في الشنطه و هي بترد على اخوها و مټعصبه جامد بقى انت اللي بتقول كده ... ده بدل ما تقف مع اختك و بعدين انا ما ليش ذنب في كل ده البيت و العيال عايزين مصاريف و الراجل هو اللي بيصرف على البيت و أنا كده كده مرتبي ما كانش هيقضي المفروض ان ليا ذمه ماليه لوحدي هو مش الدين اللي بيقول كده
شاكر دلوقتي عرفتي الدين وما عرفتيش ان المفروض تقفي جنب جوزك لو حصله حاجه زي كده.... و انت بتقبضي وبتشتغلي ما رحتيش انتي تدفعيها ليه من سكات من غير ما ټجرحي الراجل و بتفضحيه كمان قدام صاحبتك هو ده الدين اللي بتعرفيه و بعدين لو ع الدين فالراجل له مثنى و ثلاث و رباع ترضي ان هو يتجوز عليك
سماح لا يا حبيبي طبعا مرضاش انا مش نص ست و لا اغي ست ده انا سماح و بعدين مش لما ابقى افضل على ذمته الاول ابقى اشوف ان كان هينفع مثنى و ثلاث و رباع و لا لأ انا اصلا مش راضيه اكمل معاك
قرب شكل منها و أخد منها الهدوم وقال لها طب حطي هدوم في الدولاب و رجعيها تاني ماشيه من هنا كده بقلب جامد رايحه على فين و اللي مش عايز ترجعي له ده هو اللي مش راضي تفضلي على ذمته يوم واحد قال لي اختك قليلة الأصل و ما تلزمنيش
سماح اټصدمت شويه بس عملت نفسها مش هاممها
بعد مدة
في صالة بيت أهل سماح
فاديه هما عيالك فين يا بت اتاخروا ليه لحد دلوقتي
سماح مش عارفه ياما .. قالوا رايحين يزور ابوهم و يقعدوا معاه شويه.. قال ايه بيقول هيخرجهم يتعشوا بره.. هو لاقى ياكل المعفن
فاديه يتعشوا بره مش ملاحظه ان هو من يومين جاب لهم لبس جديد يا بت تفتكري ايه اللي حصل لا الحكايه دي فيها ان.
سماح و لا إن و لا حاجه ياما... هو حيلته حاجه.. تلاقيه سالفهم من حد زي ما كان بيعمل قبل كده عشان يعني يبقى اسمه بيجيب للعيال هدوم و بيعشهم بره
فادية هنشوف كل حاجه هتبان بس يا رب اللي في بالي ما يكونش هو اللي حصل
عدى اليوم و عيال سماح ما كنوش لسه رجعوا
في مطبخ فاديه
وقفت سماح تعمل أكل
فاديه أنتي يا بت.. العشا قربت تأذن و عيالك لسه ما رجعوش هو في ايه و كمان بتعملي أكل ليكي نفسي تعملي اكل و عيالك لسه ما جوش و مش عارفين و لا فاهمين ايه اللي بيحصل حوالينا
سماح اه يعني بعمل اكل جعانه .. و يا ستي مع عيالي شويه و هيجوا الدنيا اتهدت يعني
فاديه فزي تحركي روحي خدي التليفون و اتصلي بيهم شوفي ايه الحكايه هنقعد كده نايمين على وداننا مش نفهم الدنيا ايه اللي بيحصل فيها
في الصاله في بيت فاديه
خرجت سماح و معاها فاديه و جابت التليفون تتصل على عيالها
سماح الو ايوه يا عمر ...انت اتاخرت كده ليه يا حبيبي انت و اخوك
عمر أيوه يا ماما .. إحنا مش هنيجي النهارده هنبات عند بابا
سماح ليه هو ايه اللي بيحصل عندك بالظبط و ايه الحكايه و بعدين بقيت تحب تروح هناك قوي بعد ما كنت بتقولي لا عشان ما بلاقيش اكل هناك و لا الحاجات اللي بحبها
عمر لا ما كل حاجه اتغيرت يا ماما ...بابا بقى يجيب حاجات كثير قوي و يبقى معاها فلوس كثيره قوي
سماح ايه .. ايه. ايه اللي انت بتقوله ده فلوس ايه يا حبيبي
عمر اصل بابا كان بيروح الشغل القديم و كان له هناك فلوس كثيره قوي و المبلغ ده طلع له قريب انا كنت معاه و سامعه و هو بيتكلم مع صاحبه
سماح قفلت التليفون و هي مصدومه .
فاديه قالت لها ايه يا بت ايه اللي